Er du ein sjukepleiar som ønsker å gjer ein forskjell i kvardagen til bebuarane våre? På Vindafjordtunet får du moglegheit til å jobba i eit fagleg sterkt og støttande arbeidsmiljø, med direkte påverknad på livskvaliteten til bebuarane våre. Me har ledig faste 80-100% stillingar som sjukepleiar. Turnusordning kan vera dag/kveld eller natt, og me ønsker deg som ein del av vårt team.

Vindafjordtunet består av tre avdelingar: somatisk langtidsavdeling med 14 plassar, samt demensomsorg delt i avdeling Sør og Nord med til saman 34 plassar. 

• Bidra direkte til å gi bebuarane våre ein veldig god plass å bu!
• Sjukepleiefagleg ansvar og oppfølging av pasientane.
• Heilhetleg pleie, omsorg og medisinsk behandling. 
• Samarbeid med pårørande. 
• Handtering av velferdsteknologi.
• Rettleiing av og tverrfagleg samarbeid med kollegaer og studentar.
• Bidra til eit godt arbeidsmiljø og kontinuerleg utvikling av tenestene våre.
• Vera med å bygge sjukepleiarteam for betre teneste, samhandling, kollegaskap og arbeidsmiljø! 

• Ein jobb med meining og faglege utfordringar som vil gi deg utvikling og meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Gratis e-læringskurs på Veiledaren og NHI, samt fagdagar organisert på Vindafjordtunet.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor: KOR'e Vindafjord
• Sjukepleiarar på Vindafjordtunet får tilbod om lønn som er kr. 25.000,- (dag/kveld) og kr. 40.000,- (natt) over garantilønn i KS-områdets tariffavtale.
• Med relevant vidareutdanning på minst 60 studiepoeng, vil me vurdera å gi stillingskode som spesialsjukepleiar.
• Ved anna relevant vidareutdanning kan det vurderast å gi kompetansetillegg. 60 studiepoeng kan gi kr. 20.000,- i kompetansetillegg.
• Eigen helgeavtale: Meir lønn for fleire helgetimar du arbeidar- gjerne gjennom langvakter.
• Kompensasjon om du er veiledar til student. 
• Ein av Noregs sikraste pensjonsordningar: offentleg tenestepensjon.
• Forsikringsordningar som gruppelivsforsikring, yrkesskadeforsikring og tenestereiseforsikring.

Vindafjordtunet har årsturnus med ulike arbeidstidsordningar. Me kan tilby ordinære vakter, langvakter eller ein kombinasjon av disse. 

Ein kan òg kombinere natt med vakter på dag/kveld. 

• Norsk autorisasjon som sjukepleiar.
• Stillingskode som spesialsjukepleiar krev relevant vidareutdanning på minimum 60 studiepoeng. 
• God IKT kompetanse og erfaring med elektronisk pasientjournal vil vera ein fordel.
• Gode munnlege og skriftlege norskkunnskapar.

• Er framoverlent og leitar etter rette tiltak for å gi gode tenester til bebuarane.
• Har eit ønske om å arbeide med menneske som har komplekse og varierande hjelpebehov. 
• Har interesse for faget og held deg oppdatert.
• Likar å finne nye måtar å arbeide på.
• Evner å arbeide sjølvstendig, systematisk og målretta.
• Trivest med til tider hektiske arbeidsdagar.
• Er fleksibel og ser nytte av å arbeide på tvers av avdelingane.
• Set pris på og arbeidar for eit godt miljø med stort samarbeidsklima der alle vert høyrt og respektert.

Personlege eigenskapar vert vektlagt.

• Det er eit krav om godkjent politiattest for den som vert tilsett i stillinga.
• Det er eit krav om at ein fyller ut eigenerklæringsskjema for MRSA og tuberkulinstatus, før oppstart. 

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.