Sjukepleiar - Akuttmedisinsk avdeling

Voss sjukehus er sentralt plassert på vestlandet der ulike aktivitetar og årstider skapar god dynamikk i arbeidsoppgåver, samstundes som ein har tilbod om spanande fritidsaktiviteter i ei venleg bygd.

Akuttmedisinsk avdeling ved omfattar funksjonane akuttmottak, legevaktsentral, legevakt og akuttpoliklinikk. Arbeidskvardagen hjå oss inneber tverrfagleg samarbeid og mange spanande pasientmøter, der ein får høve til å utvikle seg og bli ein del av eit solid fagmiljø.

I avdelinga er det tilsett omlag 30 sjukepleiarar/merkantilt personell som tek i vare alle oppgåver. Ein stor del av dei tilsette har vidareutdanning innan akuttsjukepleie og tek i vare ulike spesialiserte ansvarsområde i avdelinga og for sjukehuset. 

Vikariatet startar 11. august, men dersom den som vert tilsett ikkje er kjent med arbeidsoppgåvene er det ynskjeleg å starta tidlegare med tanke på opplæring. Det er ynskjeleg at du spesifiserer i søknaden din når du tidlegast kan starta i stilling/opplæring.

Arbeidsoppgåver

• Ansvar for akutt sjuke og skadde pasientar til innlegging
• Vurdering og rettleiing i legevaktsentral
• Ansvar for pasientar som kjem til legevakta
• Drift av akuttpoliklinikk
• Deltaking i ulike akutteam
• Beredskapsarbeid
• Øvingar- tverretatleg

Kvalifikasjonar

• Norsk autorisasjon som sjukepleiar
• Minimum 2 års klinisk erfaring frå akuttmedisin og/eller legevakt
• God kunnskap om ulike system innan helse-IKT
• Gjennomført kurs i vald- og overgrepshandtering (e-læring)
• Gjennomført opplæring, og har erfaring med bruk av nødnett
• Ei fordel om ein har gjennomført kurs i akuttmedisin, men ikkje eit krav
• God kunnskap om det geografiske ansvarsområde til Voss sjukehus og Voss interkommunale legevakt

Personlege eigenskapar

• Vi ser etter sjukepleiarar som har gode ferdigheiter i å prioritere mellom arbeidsoppgåver og pasientar i ein travel arbeidsdag
• Du meistrar stress og bidreg til å finne gode løysingar i kritiske situasjonar
• Du utfører sjukepleieroppgåver med fagleg integritet og tryggleik
• Du er bevisst din rolle i arbeidsmiljøet og bidreg med godt humør og openheit
• Du kommuniserer godt med samarbeidande fagpersonell, på tvers av proffesjon
• I samtale med pasientar er du trygg, audmjuk og lyttande
• Du er nysjerring, endringsorientert, arbeider effektivt og nyttar ledige stunder og kollegaer til fagleg utvikling
• Du er føreseieleg, presis og bidreg til god dialog med alle samarbeidspartnarar

Vi tilbyr

På jobb i denne avdelinga er ingen dag lik. Vi tilbyr spanande arbeidsdagar med fagleg utvikling innan dei fleste akuttmedisinske fagområde.

• Fagdagar i turnus
• Samtrening med ambulanseteneste og legevaktlegar
• Årsturnus med høve til å koma med ynskjer
• Ein framtidsretta beredskapsorganisasjon
• Unikt samarbeid mellom kommunehelseteneste og spesialisthelseteneste
• Støttande og fagleg sterke kollegaer
• Leiing som er tett på drift og personalet i kvardagen
• Lønn etter overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Elin Seim, Avdelingssjukepleiar, +47 56533774

Arbeidsstad

Sjukehusvegen 16
5700 Voss

Nøkkelinformasjon:

Arbeidsgivar: Helse Bergen HF

Referansenr.: 4977398168
Stillingsprosent: 80%
Vikariat
Startdato: 11.08.2025
Sluttdato: 16.08.2026
Søknadsfrist: 12.06.2025