Arbeidsmiljø og organisatorisk sikkerheit

Petroleumsverksemda er prega av kontinuerleg arbeid med risikoreduksjon. Organisatoriske og menneskelege faktorar har betydning både for arbeidsmiljø og sikkerheit, og vert stadig meir vektlagt i selskapa si risikostyring og i forståinga av årsaker til ulukker. Endringar i rammeføresetnadene, teknologi og metodar driv fram nye organisasjonsmodellar, arbeidsprosessar og utnytting av menneskelege ressursar. Forståing av samspel mellom menneske, teknologi og organisasjon er sentrale element for å oppnå risikoreduksjon, både med tanke på arbeidsmiljø og sikkerheit.
 
Vi ønskjer å styrke vår kompetanse innan arbeidsmiljø og organisatorisk sikkerheit og søkjer ny medarbeidar med relevant kompetanse og erfaring.

Petroleumstilsynet skiftar namn til Havindustritilsynet frå 1.1.2024. Denne namnendringa speglar at me i tillegg til petroleumsindustrien har fått myndigheitsansvar for fornybar energiproduksjon til havs, CO₂-transport og -lagring og utvinning av mineral på havbotn. 

Arbeidsoppgåver

• Fagleg og strategisk utviklingsarbeid innan arbeidsmiljø og organisatorisk sikkerheit i Ptil
• Tilsyn med selskapa si styring av arbeidsmiljørisiko og organisatorisk sikkerheit i petroleumsverksemda til havs og på landanlegg, under prosjektering, drift og fjerning
• Fagleg rådgjeving og informasjon
• Gransking og oppfølging av alvorlege hendingar
• Vidareutvikling av regelverk og standardar
• Deltaking og oppfølging av FOU-aktivitetar

Kvalifikasjonar

• Utdanning frå universitet eller høgskule, med relevant kompetanse innan arbeidsmiljø og/eller organisatorisk sikkerheit
• Erfaring med arbeid innan arbeidsmiljø og sikkerheit, helst innan petroleumsverksemda
• Erfaring med å gjennomføre granskingar
• Kunnskap om arbeidsmiljørisiko, samt samspel mellom menneskelege, organisatoriske, operasjonelle og tekniske faktorar
• Kunnskap om partssamarbeid og arbeidstakarmedverknad
• Kjennskap til oppfølging og metodar for overvaking av HMS og god heilskapsforståing for dette området
  
• God skriftleg og munnleg framstillingsevne på norsk og engelsk

Den som vert tilsett må leggje fram gyldig helseerklæring etter forskrift frå Helse- og omsorgsdepartementet. Stillinga har vidare krav til grunnleggjande sikkerheits- og beredskapsopplæring for arbeid på sokkelen

Personlege eigenskapar

• Gode samarbeidsevner og høg fagleg motivasjon
• Løysings- og resultatretta
• Evne til å jobbe strukturert og sjølvstendig

Me tilbyr

• Interessante og utfordrande arbeidsoppgåver i ein spennande jobb med eit viktig samfunnsoppdrag
• Eit godt tverrfagleg arbeidsmiljø med engasjerte og trivelege kollegaer med høg fagleg kompetanse
• Brei kontakt med ulike aktørar og fagmiljø, både nasjonalt og internasjonalt
• Gode moglegheiter for vidare kompetansebygging og utviklingsmoglegheiter
• Løn etter avtale
• Medlemskap i Statens pensjonskasse med gode pensjons- og forsikringsordningar
• Fleksibel arbeidstid
• Moglegheiter for heimekontor inntil 2 dagar i veka
• Fadderordning
• Lokalisert på Ullandhaug i moderne og innbydande kontorlokale med individuelle kontor. Gode parkeringsmoglegheiter og busstilbod i nærleiken
• Aktivt bedriftsidrettslag og gode treningsfasilitetar i og utanfor kontorbygget
• Ordning med trim i arbeidstida
• Tilgang til bedriftshytte

Kontaktinformasjon

Roar Høydal, Fagleder, 51873589
Anne Sissel Graue, Sjefingeniør, 51873506

Arbeidssted

Professor Olav Hanssens vei 10
4021 STAVANGER

Nøkkelinformasjon:

Arbeidsgiver: Petroleumstilsynet

Referansenr.: 4732540829
Stillingsprosent: 100%
Fast
Søknadsfrist: 11.12.2023