IKT og dokumentsenteret

Øygarden kommune søkjer ein rådgjevar som skal styrkje kapasiteten og kompetansen vår innan forvalting av Microsoft 365 og bruk av kunstig intelligens.

Microsoft 365 er ein sentral plattform for kommunikasjon, samhandling og informasjonsdeling i kommunen. Vi ønskjer å forvalte plattforma meir heilskapleg, utnytte funksjonaliteten betre og gje tilsette og leiarar god støtte i bruken av verktøya. Samtidig skal kommunen ta i bruk kunstig intelligens på ein kontrollert og ansvarleg måte, mellom anna gjennom Microsoft Copilot og andre aktuelle KI-verktøy.

Stillinga passar for deg som har god forståing for Microsoft 365, likar å arbeide praktisk med teknologi og gjere funksjonalitet og moglegheiter forståeleg for andre. Du må kunne veksle mellom forvaltningsoppgåver, rådgjeving, testing, dokumentasjon og opplæring.

Du vert ein del av IKT og dokumentsenter og skal samarbeide med tekniske ressursar, informasjonstryggleik, personvern, dokumentforvalting og fagmiljø i kommunen.

Arbeidsoppgåver

Dette er ein nyoppretta stilling med høve til å påverke både innhald og retning. Det er identifisert eit stort behov, og målet er ikkje at påfølgjande liste skal virke avskrekkande, heller motiverande. Prioritering og innhald er det eit ynskje at kandidaten skal vere med å påverke:

• Delta i den løypande forvaltning og vidareutvikling av Microsoft 365-plattforma
• Bidra til tydelege prinsipp, rutinar og dokumentasjon for bruk og forvalting av Microsoft 365
• Gi råd om oppsett og bruk av Teams, SharePoint, OneDrive og andre tenester i Microsoft 365
• Bidra til god struktur, tilgangsstyring, eigarskap og livsløpshandtering for team, område, grupper og innhald
• Teste og vurdere ny funksjonalitet i Microsoft 365  før ho vert teken i bruk i organisasjonen
• Følgje opp behov, feil, endringar og forbetringsforslag knytt til Microsoft 365
• Utarbeide brukarrettleiingar, rutinar og anna støttemateriell
• Planleggje og gjennomføre opplæring og rettleiing for tilsette, leiarar og superbrukarar
• Bidra til utprøving, innføring og forvalting av Microsoft 365 Copilot og andre aktuelle KI-verktøy
• Identifisere konkrete arbeidsoppgåver der KI kan redusere manuelt arbeide, støtte saksførebuing eller gjere informasjon lettare tilgjengeleg
• Utvikle og teste praktiske bruksområde, instruksjonar og arbeidsmåtar for KI
• Gje råd om kva opplysningar som kan nyttast i ulike KI-verktøy, og kva avgrensingar som må gjelde
• Bidra i vurderingar av informasjonssikkerheit, personvern og dokumentasjonskrav ved innføring og bruk av KI
• Delta i ROS- og DPIA-arbeid når nye løysingar eller bruksområde krev det
• Følgje utviklinga i Microsoft 365 og relevante KI-plattformer og vurdere kva endringar kommunen bør ta i bruk

Oppgåvene vil verte prioriterte ut frå kommunen sine behov. Stillinga skal ikkje åleine ha ansvar for alle områda som er nemnd, men skal samarbeide med andre fagressursar i kommunen.

Kvalifikasjonar

• Relevant høgare utdanning innan IT eller relevante fagområde.
  Relevant erfaring kan kompensere for manglande formell utdanning
• Erfaring med praktisk bruk, forvalting, konfigurasjon eller innføring av tenester i Microsoft 365
• God kjennskap til fleire av tenestene Teams, SharePoint, OneDrive, Planner eller Power Platform
• Evne til å utarbeide tydeleg dokumentasjon, brukarrettleiingar og opplæringsmateriell
• God skriftleg og munnleg framstillingsevne på norsk

• Administrasjon og forvalting av Microsoft 365 i ein større organisasjon
• Styring av tilgangar, grupper, eigarskap, deling og livsløp i Microsoft 365
• Microsoft 365 Copilot, Copilot Studio eller andre KI-verktøy
• Utprøving eller innføring av kunstig intelligens i ein organisasjon
• Utarbeiding og gjennomføring av kurs, workshopar eller brukaropplæring
• Informasjonssikkerheit, personvern, ROS-vurderingar eller DPIA
• Offentleg forvalting eller arbeid i ein større og samansett organisasjon

Vi forventar ikkje at du er ekspert på alle områda. I søknaden ønskjer vi at du beskriv kva delar av Microsoft 365 og kunstig intelligens du har arbeidd med, kva rolle du hadde, og kva du konkret gjennomførte eller leverte.

Vi ser etter deg som:

• Arbeidar strukturert og dokumenterer det du gjer
• Tek ansvar for oppgåver og følgjer dei fram til avklaring eller løysing
• Er fagleg nyskjerring og set deg raskt inn i ny funksjonalitet
• Kan vurdere både moglegheiter, avgrensingar og risiko ved bruk av teknologi
• Forklarar tekniske problemstillingar på ein forståeleg måte
• Samarbeider god med både tekniske fagmiljø og vanlege brukarar
• Trivst med ei blanding av forvalting, rådgjeving, opplæring og praktisk utprøving
• Er trygg nok til å anbefale ei løysing, men også til å seie nei når bruk av teknologi ikkje er forsvarleg

Anna:

Dei formelle krava til utdanning og erfaring må dokumenterast med vitnemål og attestar. Dokumentasjonen skal lastast opp i søkjarportalen innan søknadsfrist.

Vi tilbyr:

• Ei sentral rolle i forvaltinga og vidareutviklinga av Microsoft 365 i kommunen
• Høve til å arbeide praktisk med innføring og bruk av kunstig intelligens
• Varierte oppgåver innan plattformutvikling, rådgjeving, opplæring og utprøving
• Samarbeid med fagmiljø innan IKT, informasjonstryggleik, personvern og dokumentforvalting
• Høve til fagleg utvikling og kompetanseheving
• Fleksibel arbeidskvardag
• Gode pensjons- og forsikringsordningar

Kontakt:

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.