Off. godkjent fagarbeidar- vikariat

I kommunalområde Helse, omsorg og velferd, er det ved tenesteområde Bu og habilitering, ledig 2 vikarstillingar for off. godkjent helsefagarbeidar i perioden 1.9.2025-31.3.2026  under avdeling Dalevegen 30-32 - bustadar for menneske med funksjonsvariasjonar og avlastning for barn og unge. Stillingane er ei 100 % stilling med arbeid dag/kveld og ei 86 % stilling hovudsakleg på natt.

Bu og habilitering har ansvar for tenester til menneske med utviklingshemming, og andre med store funksjonsvariasjonar som treng bistand og tenester for å bu i eigen heim. Stillingane er knytt til særleg ressurskrevjande tenester der det er behov for helsefagleg kompetanse, men ein kan måtte pårekne arbeid på avdelinga elles.

Dersom det vert endring i tenestebehov, må ein rekne med å verte flytta til andre tenestestadar.

Arbeidsoppgåver

• Utøving av helsetenester og avlastning i privat heim
  
• Miljøretta oppgåver knytt ADL-ferdigheiter og kommunikasjonshjelpemiddel
  
• Samhandling med andre instansar som inngår i tenestetilbodet 
  
• Bidra til å skape gode og meiningsfulle dagar for dei som mottek tenester

Kvalifikasjonar

• Off. godkjent helsefagarbeidar, andre utan relevant kompetanse kan bli vurdert til stillinga om ein innehar kvalifikasjonane vi etterspør
  
• Du må ha kjennskap til eller kunnskap frå arbeid med meir kliniske helseoppgåver
• Du bør ha kunnskap om arbeid med barn med funksjonsvariasjonar 
  
• Evne til skriftleg og munnleg framstilling. Kommunen nyttar nynorsk som målform
  
• Førarkort klasse B, ein fordel om du har manuell
  
• Det vert stilt krav om politiattest ved tilsetjing 
  

Personlege eigenskapar

• Du er engasjert, fleksibel og har godt humør
  
• Du ynskjer å bida til å gi eit godt tilbod til bebuarane våre
  
• Du er god på å takle stress og stå i krevjande situasjonar
  
• Du kan jobbe sjølvstendig og i team
• Opptre profesjonelt og ha eit faglegblikk
• Du er utviklingsorientert, serviceinnstilt og har gode samarbeidsevner
  
• Du kan arbeide målretta og systematisk  

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. 

Vi tilbyr

• Eit godt arbeidsmiljø
• Utfordrande og varierte arbeidsoppgåver 

Gode forsikrings- og pensjonsvilkår:
Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring på fritida. 
Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.

Arbeidsvilkår: 
100 % stilling dag/kveld inkl. helg
86 % stilling hovudsakleg natt inkl. helg

Stillinga er plassert i kap. 4GR1.2- Fagarbeidarstilling 
Stillingskode 7076 Helsefagarbeidar / 4107 Barne og ungdomsarbeidar

Tilsetjing i samsvar med gjeldande lov-, forskrift og avtaleverk.

 

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Alice Karina Vervik, Avdelingsleiar, 47645722, alice.karina.vervik@orsta.kommune.no
Guro Bakke Liaskar, Tenesteleiar, 90103223, guro.bakke.liaskar@orsata.kommune.no

Arbeidsstad

Dalevegen 30
6153 Ørsta

Nøkkelinformasjon:

Arbeidsgivar: Ørsta kommune

Referansenr.: 4994848010
Stillingsprosent: 100, 86%
Vikar
Startdato: 01.09.2025
Sluttdato: 31.03.2026
Søknadsfrist: 14.08.2025