Ergoterapeut/spesialergoterapeut

Ergoterapiavdelinga er ei avdeling i Ortopedisk klinikk som yter tenester til kliniske avdelingar i Helse Bergen, Haukeland universitetssjukehus. Vi legg vekt på ei god fagleg teneste, kontinuitet for pasientane og eit godt arbeidsmiljø for dei tilsette.

Vil du vere med å forme geriatritilbodet i Helse Bergen og gi den beste behandlinga til eldre, skrøpelege pasientar med akutt funksjonssvikt eller akutte infeksjonar?

Vi har ledig 2 x 100% faste stillingar for ergoterapeut/spesialergoterapeut

1. september 2025 opnar geriatrisk sengepost ved Medisinsk klinikk. Sengeposten vil ha åtte akuttgeriatriske senger og seks senger for behandling av eldre pasientar med infeksjon. Med dette ønskjer sjukehuset å etablere eit solid fagmiljø og eit godt behandlingstilbod for akutt sjuke eldre pasientar. Det vert bygd opp eit nytt tverrfagleg team beståande av lege, sjukepleiar, helsefagarbeidar, fysioterapeut og ergoterapeut. Geriatriske pasientar innlagt ved andre avdelingar i sjukehuset vil også inngå i tilbodet og det vil i tillegg vere aktuelt med eit poliklinisk tilbod til pasientgruppa.

Bli med frå starten! Dette er ei unik moglegheit til å vere med å skape eit trygt og sterkt arbeids- og fagmiljø frå dag éin i tett samarbeid med resten av det tverrfaglege teamet.

Arbeidsoppgåver

• Vurdering av ADL funksjon
• Tidleg mobilisering/rehabilitering
• Vurdering av hjelpebehov og utreiseplanlegging
• Rettleiing og støtte til pasientar og pårørande, inkludert informasjon om behandling og rehabilitering
• Samhandling med tverrfagleg team og 1. linjetenesta
• Dokumentasjon av pasientopplysningar i elektronisk pasientjournal (DIPS Arena)
• Bidra til eit godt arbeidsmiljø og kontinuerleg kvalitetsforbetring
• Undervisning og rettleiing av studentar

Kvalifikasjonar

• Norsk autorisasjon som ergoterapeut
• Relevant etter- og vidareutdanning er ein fordel
• Erfaring frå spesialisthelsetenesta eller anna erfaring med pasientgruppa er ein fordel
• Erfaring frå tverrfagleg samarbeid er ein fordel
• Erfaring frå utviklingsarbeid er ein fordel
• God skriftleg og munnleg framstillingsevne

Personlege eigenskapar

• Du er fagleg engasjert med interesse for geriatri og ønskjer å bidra til kvalitetsutvikling og fagleg vekst
• Du har god fagleg vurderingsevne, arbeider målretta og strukturert
• Du er effektiv og initiativrik
• Du er ansvarsbevisst i arbeidsutføring og arbeider sjølvstendig
• Du er fleksibel og løysingsorientert
• Du har gode samarbeidsevner og trivst i eit tverrfagleg miljø
• Du har gode kommunikasjonsevner
• Du er personleg egna til stillinga
  

Vi tilbyr

• Aktivt og støttande arbeidsmiljø med gode kollegaer
• Arbeid og utvikling i eit team med fokus på geriatri
• Varierte og spennande arbeidsdagar
• Vi legg til rette for kurs, rettleiing og kompetanseutvikling innan geriatri
• Tett samhandling i tverrfagleg team der ein støttar, lærer av og utviklar seg saman
• Løn og stillingstittel i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse

Kontaktinformasjon

Silje Nødtvedt, Seksjonsleiar, 47878496
Bodil Stokke, Avdelingssjef, 55975008

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4965520726
Stillingsprosent: 100%
Fast
Startdato: 01.09.2025
Søknadsfrist: 20.05.2025