Helsefagarbeidar ved Hogatunet bu- og behandlingssenter

Hogatunet bu- og behandlingssenter har ledig 2 x 100 % fast stilling som helsefagarbeidar. Om du ynskjer anna stillingsprosent kan det vurderast.

Hogatunet har 52 institusjonsplassar fordelte på fem avdelingar alle med einerom, tilrettelagde baderom og velferdsteknologi. Avdelingane har eigne kjøken og stove. Vi har tilsynslege og samarbeid med fysioterapeut og ergoterapeut. 

Stillingane har i hovudsak tredelt turnus med ein del nattevakter som er i samarbeid med heimetenesta der vi bistår med hjelp etter behov. Det er arbeid kvar 3. helg og det er høve til inngå avtale om å arbeide fleire helgar i årsplanen mot ekstra kompensasjon. Det er og tilbod om sommaravtale med ekstra kompensasjon. Det vert nytta årsturnus som gir god fleksibilitet i høve planlegging av arbeidstid. 10% av stillinga kan vere frie timar som ikkje er planlagt i turnus og du kan ta vakter når det passar deg.

Som tilsett på Hogatunet vil du få ansvarsfulle faglege oppgåver, du vil kunne utvikle deg og få påverke. Vi søkjer deg som er innovativ, jobbar for kontinuerleg forbetring, og som kan bidra med nye idear og perspektiv i tenesteutviklinga.

Hogatunet har eige institusjonskjøkken som produserer alle måltid. Dagaktivitetssenteret for heimebuande med demens er og lokalisert her.

Er du i sluttfasen av lærlingtida eller ynskjer å ta fagbrev på jobb? Start gjerne di utvikling som helsefagarbeider hos oss! 

Arbeidsoppgåver

• Utføre pasientretta pleieoppgåver i tråd med gjeldande kvalitetskrav
• Oppfølging og dokumentasjon i pasientjournal etter gjeldande krav til kvalitet, lovverk og kommunale retningslinjer
• Samarbeid med pårørande
• Tverrfagleg samarbeid
• Rettleie lærlingar, medarbeidarar og andre

Det vil bli lagt til rette for god opplæring ved oppstart

Kvalifikasjonar

• Offentleg godkjend helsefagarbeidar eller hjelpepleiar
• Ufaglærte med relevant erfaring kan gjerne søkje med forbehold om å gjennomføre fagbrev 
• Gode språkkunnskapar i norsk både munnleg og skriftleg
• Aktuelle kandidatar må ha førarkort kl. B

Personlege eigenskapar

• Gode kommunikasjons- og samarbeidsevner
• Likar utfordringar og varierte arbeidsoppgåver
• Er fleksibel og interessert i forbetringsarbeid
• Tek initiativ og ansvar
• Kan arbeide sjølvstendig og saman med andre
• Bidrar aktiv til eit godt arbeidsmiljø
• Fokus på etikk 

Vi tilbyr

• Godt tverrfagleg samarbeid og godt arbeidsmiljø
• Høve til fagleg utvikling og tilrettelegging for vidareutdanning på område kommunen har behov for
• Løn- og arbeidsvilkår i samsvar med gjeldande lov- og avtaleverk
• Årsturnus der 10% av stillinga kan vere frie timar
• Gode pensjons- og forsikringsordningar
• Flyttegodgjersle

Vi ber om at søkjarar lastar opp attestar og vitnemål saman med søknaden. Politiattest skal leverast før start i stillinga.

Stad kommune har seks månader prøvetid. 

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. 

Kontaktinformasjon

Siv Helen Johnson Tødenes, Avdelingsleiar, 480 97 859, siv.todenes@stad.kommune.no
Heidi Munch Starheim, einingsleiar institusjon, 480 45 210, heidi.munch.starheim@stad.kommune.no

Arbeidsstad

Seljetunvegen 25
6770 

Nøkkelinformasjon:

Arbeidsgivar: Stad kommune

Referansenr.: 5072359087
Stillingsprosent: 100%
Fast
Søknadsfrist: 01.03.2026