Fysioterapeut på kveld kombinert med vikariat på dagtid

Fysioterapiavdelinga er ei serviceavdeling organisert i Ortopedisk klinikk. Totalt har avdelinga rundt 85 stillingar og rundt 100 tilsette.

Vi har ledig fast stilling som kveldsvakt. Kveldsvaktene arbeider i 15 vekers turnus og 20,4% stilling tilsvarer 22 vakter på 15 veker. Kvar vakt varer frå kl. 15.30 til 20.30 og tenesta er kvar kveld heile året. Tenesta er delt på 5 kveldsvakter og man samarbeider med fysioterapeutar på forskyvd vakt.

Det er mogleg å kombinere stillinga med ca. 70% vikariat på dagtid til August 2026, for tida ved Kirurgisk avdeling. 

Arbeidsoppgåver

• Hovudarbeidsfeltet på kveld er lungefysioterapi for pasientar ved dei fleste somatiske avdelingane på sjukehuset. Pasientar med andre problemstillingar, til dømes brannskadar, blir òg behandla. Det er fysioterapeutar på dagtid som prioriterer pasientar til behandling på kveld. I tillegg kan dei kliniske avdelingane ringe etter fysioterapeut ved akutt behov på kveld
• På dagtid er stillinga knytt til seksjonen som har ansvar for Kirurgisk avdeling, Hjarteavdelinga, Intensivavdelinga, Øyre-nase-hals-avdelinga og Nevrokirurgisk avdeling
• Det er om lag 14 personar fordelt på om lag 13 stillingar knytte til seksjonen. Arbeidet består primært av å behandle kirurgiske pasientar pre- og postoperativt. Det er òg ønskeleg at ein deltar i hjarterehabiliteringsgrupper.

Kvalifikasjonar

• Norsk autorisasjon som Fysioterapeut
• Du må ha erfaring frå lungefysioterapi på sjukehus
• Du må ha erfaring frå arbeid på sjukehus med kritisk sjuke paientar
• Det er ein fordel med erfaring frå arbeid med både barn og vaksne
• Det er ein fordel med etter- og/eller vidareutdanning innan lungefysioterapi
• Du må meistre godt norsk både munnleg og skriftleg
• Ved tilbod om stilling må du legge fram tilfredsstillande politiattest (vandelsattest), jf. Lov om helsepersonell § 20a (gjeld arbeid med barn og utviklingshemma)

Personlege eigenskapar

• Du har motivasjon og interesse for fagfeltet
• Du kan arbeide sjølvstendig og har god fagleg vurderingsevne
• Du er fleksibel og effektiv i arbeidet 
• Du kommuniserer og samarbeider godt med pasientar, pårørande og kollegaer
• Du held deg roleg, objektiv og kontrollert i stressande situasjonar og arbeider stabilt under press
• Du er ansvarsbevisst, punktleg og påliteleg

Vi tilbyr

• Ein spennande og utfordrande jobb
• Eit aktivt og triveleg arbeidsmiljø
• Avdelinga har eit omfattende opplæringsprogram for nye kveldsvakter
• Det er eigne møte og undervisning for dei som jobbar på kveld
• Det vil vere god moglegheit for å ta ekstravakter på kveld og på dagtid i vanlege helgar, helge- og høgtidsdagar i tillegg til i sommarferieavviklinga
• Lønn i samsvar med gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Else Sterndorff, Avdelingssjef, 55972863

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5035934548
Stillingsprosent: 20,4%
Fast
Startdato: 01.12.2025
Søknadsfrist: 16.11.2025