Einingsleiar helsehus - 100 % fast stilling

I november 2025 åpnar Sykkylven kommune eit nytt helsehus!

Vi samlokaliserar legetenestene, legevakt, heimebasert omsorg, rus og psykiatri tenesta i samme eining. Har du lyst til å bidra til å styrke og utvikle denne nye og spennandes eininga? Vi søker etter ein dyktig og engasjert einingsleiar til å leie helsehuset for oss.

Som einingsleiar er du ansvarleg for fag-, personal-, budsjett- og økonomi. Kommuneoverlegen er medisinsk fagleg rådgjevar og kommunalsjef er næraste overordna.
Du skal også ha fokus på og arbeide ut frå at organisasjonen er ein heilskap der samarbeid på tvers er ein føresetnad for å lukkast. Fagleg utvikling og leiing med vekt på tenesteproduksjon og kvalitet vert sentralt i stillinga. Samhandling og samarbeid skal bidra til å sikre ei berekraftig teneste til innbyggarane framover.

Einingsleiar har saman med avdelingsleiarane ansvar for oppfølging av kvar einskild tilsett og personalarbeid skal vere ei prioritert oppgåve. Motiverte og engasjerte tilsette er viktig for organisasjonen, for brukarane av tenestene og for innbyggarane.

Helsehuset skal ha 3 avdelingsleiarar med ansvar for ulike fagområde. Dei vil være ansvarlege for den dagleg drifta i avdelingane, men som einingsleiar vil du ha det totale ansvaret for tenestene. Det er i dag 8 legeheimlar, 1 LIS1 og ca. 6 årsverk hjelpepersonell tilknytta legekontoret. Ved interkommunal legevakt har vi 3 kommunalt tilsette legevaktlegar som dekker kveld og natt. Dette er ei interkommunal legevakt mellom Sykkylven og Stranda, der fastlegane i dei to kommunane deltek i legevakta og dekker daglegevakt laurdag og søndagar. Det er også tilsett hjelpepersonell på legevakta.

Det kan skje endringar i arbeids- og ansvarsområdet, og det må påreknast å utføre arbeidsoppgåver som til ei kvar tid er naudsynt for å imøtekome organisasjonen og innbyggarane sine behov.

Vi søker deg som vil vere med på å utvikle tenesta vidare. Kan dette vere noko for deg? Då håper vi å høyre frå deg!

Stillinga er ledig frå 01.09.25.

Arbeidsoppgåver

• Har fag-, drift- og resultatansvar ut frå gjeldande mål og strategiar
• Arbeide aktivt med å rekruttere og behalde ansatte.
• Vidareutvikle tenestene i eininga i forhold til dagens  og morgondagens forventningar og krav
• Arbeide for å vidareutvikle kultur og arbeidsmiljø som skal bidra til gode resultat
• Delta og bidra i kommunale nettverk og tverrfagleg arbeid
• Bidra til god samhandling mellom den kommunale helse- og omsorgstenesta, fastlegane og spesialisthelsetenesta
• Ansvarleg for ALIS ordninga.

Kvalifikasjonar

• Du har relevant høgare utdanning  frå høgskule og/eller universitetsnivå
• Utdanning og erfaring innan helse og leiing vil vere ein fordel
• God økonomiforståing og erfaring med personalarbeid
• Kjennskap til offentleg forvaltning og gjerne erfaring frå relevant fagområde
• God kjennskap til relevant lov- og avtaleverk
• Interesse og engasjement rundt helsefaglege utfordringar er naudsynt
• Erfaring frå ulike helsetenester er ein fordel, men ikkje eit krav
• I samsvar med helsepersonellova vert det stilt krav om politiattest av nyare dato.

Personlege eigenskapar

• Du er ein person som står fram som ein tydeleg leiar; tillitsvekkande og inspirerande
• Du har evne til godt tverrfagleg samarbeid og sjølvstendig arbeid
• Du er fagleg dyktig, og er god på prioritering av oppgåver
• Evne til å arbeide strukturert og målretta
• Interesse for kvalitetsutvikling, og du er ein person som trivst med varierte oppgåver
• Du har god munnleg og skrifteleg framstillingsevne
• Du er fleksibel og løysingsorientert og trivast i eit aktivt og hektisk miljø
  
• Personlege eigenskapar vil verte tillagt stor vekt.

Vi tilbyr

• Rom for å bidra til å bygge opp eit sterkt fagmiljø og godt arbeidsmiljø
• Konkurransedyktig lønn, og tiltredelse etter avtale
• Engasjerte og dyktige medarbeidere
• Gode arbeidstilhøve i eit godt arbeidsmiljø
• Gode moglegheiter til å påverke arbeidsdagen
• Gode pensjons- og forsikringsordningar i KLP

Kontaktinformasjon

Henning Pilskog, Kommunalsjef, 41428558, henning.pilskog@sykkylven.kommune.no

Arbeidsstad

Haugneset 16
6230 Sykkylven

Nøkkelinformasjon:

Arbeidsgivar: Sykkylven kommune

Referansenr.: 4993322239
Stillingsprosent: 100%
Fast
Søknadsfrist: 06.08.2025