Sjukepleiar til NORCATS forskingssenter og LAR 

Vil du kombinere klinisk arbeid med banebrytande forsking? Bli sjukepleiar i NORCATS og LAR!

Haukeland universitetssjukehus, Rus- og avhengigheitsklinikken (RAK), seksjon forsking og LAR, søker sjukepleiar til eit års 100% vikariat, i perioden 01.05.2026 – 30.04.2027, med interesse for rus- og avhengigheitsmedisin og forsking.

Stillinga kan bli forlenga avhengig av behov og forskingsmidler. Forskingsdelen er knytt til NORCATS – nasjonalt forskingssenter for agonistbehandling ved rusmiddelavhengigheit, etablert ved RAK på oppdrag frå Helse- og omsorgsdepartementet. NORCATS leier nasjonale kliniske studiar på substitusjonsbehandling ved avhengigheit til sentralstimulerande midler, benzodiazepinar og opioidar, i samarbeid med regionale helseføretak. Senteret har tett samarbeid med RAKs forskingsmiljø og LAR-seksjonen, der forsking er integrert i klinisk praksis.

Pågåande studiar inkluderer:

BMX-studien: Effekt og sikkerheit av føreskrevne benzodiazepinar hos LAR-pasientar med alvorleg avhengnad.
ATLAS4Dependence: Effekt og sikkerheit av dekstroamfetamin hos LAR-pasientar med alvorleg amfetaminavhengnad.
Les meir: www.helse-bergen.no/bar

NORCATS samarbeider internasjonalt med leiande forskingsmiljø og organisasjonar som WHO, UNODC og EUDA. Stillinga inneber forskingsrelaterte oppgåver og årlege helseundersøkingar i LAR-seksjonen. Vi tilbyr eit stimulerande klinisk og forskingsmiljø.

Arbeidsoppgåver

• Utføre årlege helseundersøkingar av pasientar i LAR i hht interne rutinar
• Utføre intervju av pasientar for opplysningar som blir lagra i LAR-Helseregister 
• Ta blodprøvar som blir sendt til lagring i biobank og for bruk i klinisk behandling
• Gjennomføre ultralyd (elastografi) for utgreiing og vurdering av alvorlighetsgrad av kronisk hepatitt C infeksjon
• Gjennomføre spirometri undersøking for utgreiing og vurdering av kronisk lungesjukdom
• Gjennomføre forskingsintervju mellom anna relatert til ATLAS4Dependence og BMX-studiane  
• Følge gjeldande forskingsprotokollar og sørge for at studieprosedyrar blir følgt opp i LAR-poliklinikkane 
• Bidra til implementering av forsking i LAR-poliklinikkane 
• Sørge for høg kvalitet av forskingsdata som samlast for ulike prosjekt 
• Vere ein del av det tverrfaglege teamet i sin poliklinikk og ha kontinuerleg dialog og samarbeid med seksjonsleiar, legar og helsepersonell i LAR-poliklinikkane i samband med helseundersøkingar, datainnsamlingar og oppfølging av pasientane
• Ha kontinuerleg dialog og samarbeid med monitoreringsorganar for kliniske studiar  
• Ha kontinuerleg dialog og jamlege møte med forskingsgruppa og forskingsleiarar for dei aktuelle prosjekta 
• Delta i relevante kurs og fagdagar og gjere seg oppdatert på fagfeltet 
• Gjere seg kjend med gjeldande lovverk for forsking (t.d. etikk, datahandtering, utveksling av informasjon mm.) 
• Samarbeide med brukarrepresentantar  

Kvalifikasjonar

• Sjukepleiar med norsk autorisasjon. Relevant vidareutdanning er ønskeleg
• Må beherske norsk munnleg og skriftleg  
• Arbeidserfaring med pasientar i LAR, eller andre rusmiddelavhengige er ønskeleg  
• Erfaring med arbeid som studiesjukepleiar vil telle positivt 
• Erfaring frå somatisk eller psykiatrisk avdeling vil telle positivt 
• Erfaring med og kompetanse på IT er ein fordel    

Personlege eigenskapar

• Må kunne jobbe sjølvstendig, effektivt og strukturert 
• God evne til kommunikasjon og samarbeid er viktig 
• Interesse for forsking
• Vere initiativrik og positiv 

Vi tilbyr

• Ein spennande og stimulerande jobb   
• Lønn iht gjeldande overeinskomst for sjukepleiar   
• Høgt fagleg nivå  
• Varierte arbeidsoppgåver
• Eit inkluderande og støttande arbeidsmiljø

Søknaden skal innehalde:

• Kort oppsummering av relevant kompetanse, erfaring og motivasjon for å søke stillinga   
• CV   
• Kontaktopplysningar til to personar som kan vere referansar    

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Gry Irmelin Dale, Avdelingssjef, 92023184, gry.irmelin.dale@helse-bergen.no
Fatemeh Chalabianloo, Senterleiar NORCATS, 91374581, fatemeh.chalabianloo@helse-bergen.no
Arild Opheim, Seksjonsleiar, 91314247, arild.opheim@helse-bergen.no

Arbeidsstad

Håkonsgaten 1
5015 Bergen

Nøkkelinformasjon:

Arbeidsgivar: Helse Bergen HF

Referansenr.: 5064850192
Stillingsprosent: 100%
Vikariat
Startdato: 01.05.2026
Sluttdato: 30.04.2027
Søknadsfrist: 29.01.2026