Helsefagarbeidar

Vil du bli vår nye kollega? Vi har no ledig fast stilling for helsefagarbeidar. Som tilsett hos oss vil du delta i videreutviklinga av sikkerhetsseksjonen. Målet vårt er å gi pasientane ei god og framtidsretta behandling og helseteneste.

Seksjonen vår driftar 8 døgnplassar og tilbyr spesialisert utgreiing, behandling og oppfølging av pasientar med alvorlege psykiske lidingar. Seksjonen er ein sengepost som i hovudsak skal drive med behandling og rehabilitering av pasientar som er overførte til psykisk helsevern på dom § 5.3 og § 10.2, men også pasientar som er innlagde etter § 3.3, der vi vil hindre eit forløp der pasienten utviklar ei åtferd som kan resultere i ein dom, og der omsynet til samfunnsvernet må ivaretakast. Vi har eit tverrfagleg fokus i møte med pasientane sine hjelpebehov. Ivaretaking av samfunnsvern blir vesentleg av omsyn til rehabiliteringsprosessen.

Behandling og rehabilitering skjer i nært samarbeid med kommunen, ambulante tenester og andre aktuelle samarbeidspartnarar. Vi samarbeidar tett med Sikkerheitspsykiatri Sunnmøre, Regional sikkerheitsavdeling ved St. Olavs og Akuttpsykiatri SNR. Seksjonen har høgt fokus på aktivitet i behandlinga, og vi har derfor to heile turdagar kvar veke der vi nyttar turmål i Romsdal som arena. I tillegg driv vi for tida med hallaktivitet éin gong i veka, samt har fokus på utetid i nærleiken av sjukehuset, der vi kan ha ballspel, fiske og liknande.

Seksjonen har ei overlegestilling, legar i spesialisering, to psykologspesialistar, ergoterapaut, og tverrfagleg miljøpersonale i turnus, helsesekretærar, teamkoordinator, og seksjonsleiar. Erfaring frå sikkerhetspsykiatri og langtidsrehabilitering er ein fordel, men ikkje eit krav.

Arbeidsstad vil vere på SNR Hjelset. 

Arbeidsoppgåver

•  Gjennomføre miljøterapi og helsefagarbeidaroppgåver etter oppsett behandlingsplan
  
•  Følge opp avtalt behandlingsopplegg for pasientane i dag- og vekeplan og plan for utskriving
•  Samhandling og tverrfagleg samarbeid internt og med kommunale tenester, fastlegar, ambulante team og pårørande
•  Ta imot pasientar og planlegge behandling og utskriving i samråd med behandlar og aktuelle samarbeidspartnarar
•  Medvirke internt i seksjonen med fagutvikling for kollegaer og samarbeidspartnarar
•  Gjennomføre tildelte kompetansekrav og opplæringsoppgåver i gjeldande opplæringsplanar og kvalitetssystem
•  Delta i opplæring, undervisning og forbetringsarbeid
•  Praktiske oppgåver i seksjonen
•  Møtevirksomheit i og utanfor seksjonen
•  Obligatorisk kursing og trening i MAP (møte med aggresjonsproblematikk)

Kvalifikasjonar

• Norsk autorisasjon som helsefagarbeidar eller hjelpepleiar
• Du må beherske norsk munnleg og skriftleg svært bra
• Førerkort klasse B

Personlege eigenskapar

Vi ønskjer oss ein truverdig og fagleg sterk fagperson med nok audmjukskap til å kjenne sine eigne avgrensingar, og styrke nok til å trå til når det skjer noko ekstra. Du må også kunne bringe eigne synspunkt inn i drøftingar med kollegaer. Denne jobben kan vere krevjande følelsesmessig, og du må sjølv vite når du har behov for at nokon ser deg, og seie frå om behov for støtte, rettleiing eller påfyll. I det daglege arbeidet vil du gå tett på menneske som har tøffe historier med seg og slit med seinverknader av dette. Det forventar vi at du toler å stå i.

• Du må kunne ta utfordringar på sparket og stole på deg sjølv
• Du må vere omstillingsdyktig, fleksibel og løysingsorientert
• Du er positiv, ein god relasjonsbyggjar og god til å samarbeide på tvers av yrkesgrupper
• Du har stor arbeidskapasitet og trivast i eit hektisk arbeidsmiljø
• Du er fagleg tydeleg og gi tilbakemeldingar til kollegaer både på det negative og positive
• Du må vere fysisk og psykisk eigna til stillinga

Å vere personleg eigna vert vektlagt ved tilsetting. Av omsyn til HMS og arbeidsmiljø oppmodar vi menn til å søkje.

Vi tilbyr

• Mogelegheit for langvakter 13,5 t
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Møre og Romsdal har mykje å vise fram! Her er eit mangfold av fjordar, øyer og fjell som ventar på å få begeistre deg. Opplev ville og vakre Sunnmørsalper i Volda, opera og klippfisk i Kristiansund, roser og jazz i Molde og jugendarkitektur i Ålesund. Regionen har et rikt kultur- og konsertliv med både nasjonale og internasjonale artistar, nærhet til flyplass og eit framoverlent næringsliv. Les meir om Møre og Romsdal her. 

Kontaktinformasjon

Anders Hammernes, Seksjonsleiar, anders.hammernes@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5046165846
Stillingsprosent: 100%
Fast
Søknadsfrist: 31.12.2025