Miljøarbeidar, i inntil 100% vikar 

Om stillinga 

Gulen kommune, for tida ved Miljøtenesta, har ledig i inntil 100% vikarstilling som miljøarbeidar frå snarast til 07.12.2025. Det kan verte moglegheit for forlenging av vikariatet.   

Miljøtenesta har base på Dalsøyra, men yter bistand til brukarar i heile kommunen. Vi vil prøve å setje den tilsette inn i turnusar der det er langtidsfråvær, slik at turnusen vert mest mogleg føreseieleg. Den som går inn i stillinga må synast det er spennande og motiverande å yte bistand til ulike brukarar og trivast med varierande arbeidsoppgåver. Det er ulike arbeidstidsordningar i eininga; i hovudsak er det langvakter, men vi har også nokon ordinære vakter på dag/kveld/natt, samt døgnvakter.

Arbeidsoppgåver 

• Legge til rette for og bistå brukarar med ulike funksjonsnivå i daglege gjeremål og fritidsaktivitetar
• Følgje opp dei daglege rutinene  
• Andre oppgåver etter behov

Kvalifikasjonskrav 

• Autorisasjon som helsefagarbeidar, fagbrev som barne- og ungdomsarbeidar eller tilsvarande. Søkjarar utan fagbrev kan verte vurdert dersom ein ikkje får kvalifiserte søkjarar
• Kan delta på ulike aktiviteter som til dømes bading i basseng (inkl. å ta livreddarkurs), båtturar og gardsbesøk/arbeid.
• Førarkort klasse B
• Kommuniserer godt på norsk

Personlege eigenskapar 

• Er fleksibel og kommuniserer/samhandlar godt med brukarar, påførande og kollegaer
• Vert motivert av å yte gode tenester til brukarane våre, og kan vere med å gje dei ein stabil og god kvardag
• Bidrar til eit godt arbeidsmiljø
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar. Vi har, for tida, ekstra helgetillegg på 50 kr/time og løn utover tariff for kvalifisert tilsett som går turnus. 
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.