Tannhelsesekretær Seljord tannklinikk 100% fast stilling

Vil du vere med på å betre tannhelsa til innbyggarane i Telemark fylkeskommune?  

Det får du no høve til, for vi søkjer ein tannhelsesekretær i 100% fast stilling ved Seljord tannklinikk.  

Vi kan tilby ein spennande jobb med varierte arbeidsoppgåver, der du kan utgjere ein positiv forskjell for pasientane. Å jobbe som tannhelsesekretær i tannhelsesektoren i Telemark fylkeskommune inneber lagarbeid med andre tannlegar, tannpleiarar og tannhelsesekretærar i eit godt fagmiljø.  Vi trur difor du vil trivast dersom du er ein effektiv og strukturert tannhelsesekretær med gode samarbeidsevner og godt humør som bidreg til å løyse samfunnsoppdraget til tannhelsesektoren. I fylket har vi verdiane kompetanse, samarbeid og openheit og håpar du har lyst til å vere med på å la desse vere synleg i måten vi jobbar saman på. Vi trur nemleg at vi leverer betre tenester til innbyggjarane våre om vi på klinikken samarbeider godt på tvers av alle yrkesgrupper og bidreg til kvarandre si faglege utvikling ved å stille spørsmål og vere nysgjerrige på kvarandre si fagkompetanse.  

Seljord tannklinikk er ein tannklinikk med 2 tannlegar, 1 tannpleiarstilling og fem tannhelsesekretærar i deltidsstillingar. Klinikken har fire moderne behandlingsrom og innbydande kontor/møtelokaler. Lokalene ligg i Seljord sentrum, like ved det nye fylkessenteret. Som offentleg klinikk ute i distrikt har klinikken ei variert pasientsamansetning, med ein stor andel betalande pasientar. 

Hovudarbeidsoppgåver og ansvarsområde 

 Assistere tannlegen under pasientbehandling  

 Arbeidsoppgåver på sterilrom som blir utført i samarbeid med kollegaer 

 Administrative oppgåver 

 Bestilling av varer 

 Oppfølging av pasientar 

 Rapportering  

 Resepsjonsarbeid kan vere ein del av stillinga  

 Vere eit positivt bidrag til arbeidsmiljøet på klinikken og delta aktivt i fellesskapen på klinikken 

 Delta i arbeid med systematisk fagutvikling og kompetanseheving på arbeidsplassen  

 Delta i HMS-arbeid og kvalitetsutvikling og andre felles oppgåver for drift på klinikken 

Endringar i ansvar og arbeidsoppgåver må kunne påreknast.  

 

            Kvalifikasjonar 

            Utdanning: 

 Norsk autorisasjon som tannhelsesekretær. Nyutdanna eller studentar som forventar å få autorisasjon innan seks månader er også velkomne til å søkje. Ufaglærte kandidatar kan også søke, men autoriserte kandidatar har eit fortrinn. Dersom ein ufaglært kandidat vert tilsett i stillinga vil det vere eit krav om å ta autorisasjon som tannhelsesekretær innan 3 år. 

 Politiattest i samsvar med helsepersonelloven §20a. 

 Meistre norsk både munnleg og skriftleg: Pasientane skal forstå kva du seier og journalføringa skal vere på eit slikt nivå at vi fyller krav til journalføring 

 Kompetanse til å utnytte IKT-løysingane frå fylkeskommunen, ser moglegheiter i ny teknologi og er motiverte for å ta i bruk nye digitale løysingar. 

 

Erfaring: 

 Erfaring frå å assistere tannlege i tannbehandling er ønskjeleg 

 Kjennskap til Opus og erfaring frå den offentlege tannhelsetenesta er ønskjeleg  

 

Personlege eigenskapar 

Vi trur du vil trivast i stillinga om du har: 

 pasienten i fokus gjennom tillitsskapande, trygg og tydeleg kommunikasjon 

 god gjennomføringsevne, samtidig som du evnar å vere fleksibel 

 evne til å jobbe sjølvstendig og ta initiativ 

 gode samarbeidsevner 

 evne til stabilitet når tempoet blir høgt 

 personlege eigenskapar blir vektlagde. 

 

Vi tilbyr 

 Godt arbeidsmiljø med hyggjelege kollegaer  

 Spennande og varierte arbeidsoppgåver   

 Moglegheit for hospitering  

 I tillegg til felles kurs og samlingar har vi også individuell kurspott til alle faggrupper   

 Lønn i samsvar med Hovedtariffavtalen  

 God offentleg pensjonsordning  

 

Tilsetjing og prøvetid  

Tilsetjing skjer på grunnlag av dei til kvar tid gjeldande lovene, tariffavtalar og reglement. Som hovudregel praktiserer vi 6 månaders prøvetid frå tiltredingsdato. 

Søkje stilling  

Du søkjer via det elektroniske søknadsskjemaet vårt. Vitnemål og attestar tek du med til eit eventuelt intervju. Ved utløpet av søknadsfristen blir det utarbeidd ei offentleg søkjarliste. Søkjarar som har bede om unntak frå offentlegheit, vil bli varsla dersom dette ønsket ikkje kan kommast jf i møte offentleglova § 25. Fylkeskommunen er oppteken av at arbeidsstyrken i størst mogleg grad skal spegle mangfaldet i befolkninga. Vi oppmodar derfor alle som er kvalifiserte til å søkje uansett alder, kjønn, eventuell funksjonshemming, seksuell orientering, nasjonal eller etnisk bakgrunn. 

Om fylkeskommunen 

Fylkeskommunen er ein politisk styrt organisasjon som bidreg til samfunnsutvikling og verdiskaping i regionen. Vi har ansvar for viktige oppgåver innan bla vidaregåande opplæring, kultur, folkehelse, tannhelse, kollektivtrafikk, fylkesvegar, samfunnsutvikling og dessutan regional- og arealplanlegging. Telemark fylkeskommune skal bidra til verdi for framtida gjennom kompetanse, samarbeid og openheit. Vi jobbar tverrfagleg og set behovet til innbyggjarane i sentrum. Til dette oppdraget søkjer vi profesjonelle, inkluderande og modige medarbeidarar som er gode relasjonsbyggjarar og løysingsorienterte lagspelarar.