Organisasjonssjef

Menneska er Bygland kommune sin viktigaste ressurs. Vi søker no ein organisasjonssjef med sterkt engasjement for heilskapleg og strategisk arbeid innan organisasjon og HR. Stillinga er ei sentral stilling under kommunedirektoren, med ansvar for å utvikle kommunen som arbeidsgjevar og støtte leiarar og organisasjonen i systematisk utviklingsarbeid.

Kommunalområdet organisasjon og HR har ansvar for mellom anna publikumsmottak med sentralbord, kommunikasjon og media, internkontroll, HMS, lønn og personal, samt sentralarkiv. Eininga har i dag fire årsverk. Organisasjonssjefen har personal- og fagansvar for eiga eining. Organisasjonssjefen si hovudrolle er å leggje til rette for gode system, prosessar og fagleg støtte innan organisasjon og HR, på vegner av kommunedirektoren.

Du blir motivert av å bidra til at kommunen er godt rusta til å møte framtidige krav og endringar. Vi ser etter ein pådrivar for vidareutvikling av organisasjonen i tett samspel med kjerneverksemda og kommunen sine leiarar. Med ditt bidrag ønskjer vi å vidareutvikle Bygland kommune som ein attraktiv og profesjonell arbeidsgjevar.

 

Stillinga går inn i kommunedirektoren si leiargruppe.

Arbeidsoppgaver

• Vere ein pådrivar for heilskapleg organisasjonsutvikling og ein framtidsretta arbeidsgjevarpolitikk i kommunen.
• Utvikle og styrkje kommunen sitt arbeid innan organisasjon og HR gjennom gode prosessar og breitt samarbeid.
• Leggje til rette for systematisk utvikling av medarbeidarar gjennom overordna rammer, system og prosessar.
• Vere ein strategisk støttespelar for kommunedirektoren og leiarane i organisasjonen.
• Delta aktivt i omstillings- og endringsarbeid, inkludert prosjekt og utviklingsprosessar.
• Ha ansvar for systematisk HMS-arbeid og internkontroll.
• Ha fagansvar for rettsreglar innan offentleg forvalting generelt og arbeidsrett særleg.
• Planlegging, koordinering og opplæring i rekrutteringsprosessar.
• Leie drøftingar og forhandlingar i tråd med kommunalt lov- og avtaleverk.
• Ansvar for drift og vidareutvikling av HR-system, rutinar og støttesystem, samt kommunekontakt mot IKT Agder.
• Leggje til rette for godt samarbeid med arbeidstakarorganisasjonane og vernetenesta.

Kvalifikasjoner

• Høgare utdanning innan relevante fagområde. I særskilde tilfelle kan relevant realkompetanse kompensere for utdanningskravet.
• God kompetanse innan organisasjon og HR, med hovudvekt på strategisk, systemretta og overordna arbeid.
• God forståing for partsamarbeid i arbeidslivet.
• Gode munnlege og skriftlege framstillingsevner.

Ønskeleg

• Leiarerfaring, gjerne frå offentleg sektor.
• Erfaring med endringsarbeid, organisasjonsutvikling og prosjektleiing.

Personlige egenskaper, som vil bli lagde stor vekt på ved tilsetjing.

• Open, ærleg og tillitsskapande.
• Strukturert og resultatorientert med god gjennomføringsevne.
• Samarbeidsorientert og relasjonelt trygg.
• Har strategisk blikk og evne til å arbeide operativt.
• Trygg og tydeleg i krevjande situasjonar.
• Engasjert, positiv og med godt humør.

Vi tilbyr

• Ei attraktiv og strategisk leiarstilling i ein kommune med ambisjonar.
• Moglegheit til å påverke utvikling av organisasjon og arbeidsgjevarrolle.
• Gode vilkår for fagleg og personleg utvikling.
• Eit godt arbeidsmiljø med dyktige kollegaer.
• Interkommunalt fagnettverk.
• Gode forsikrings- og pensjonsordningar.
• Løn etter avtale.

Kontaktinformasjon

Simon Ellingsberg, Kommunedirektør, +47 +4797570196

Arbeidssted

Sentrum 18
4745 Bygland

Nøkkelinformasjon:

Arbeidsgiver: Bygland Kommune

Referansenr.: 5143365750
Stillingsprosent: 100%
Fast
Søknadsfrist: 24.06.2026