Fagansvarleg rekneskap og løn

Om stillinga

Sveio kommune søkjer ein fagleg sterk og utviklingsorientert fagansvarleg innan rekneskap og løn. Vi ser etter deg som ønskjer ei sentral rolle i arbeidet med å sikre kvalitet, kontroll og vidareutvikling av kommunen sine rekneskaps- og lønsprosessar.

Som fagansvarleg får du eit overordna fagleg og operativt ansvar for kommunen sitt arbeid innan rekneskap og løn. Du vil vere med på å sikre god kvalitet i tenestene, vidareutvikle arbeidsprosessar og bidra til effektiv drift. Stillinga rapportere til økonomisjef.

Hos oss får du ei viktig rolle i ein kommune der du kan vere med på å påverke, forbetre og vidareutvikle sentrale arbeidsprosessar innan rekneskap og løn. Du blir ein del av eit fagmiljø med høg kompetanse og får høve til å bidra både fagleg og strategisk i utviklinga av tenestene våre.

Kvalifikasjonar

    Vi ser etter deg som har:

• høgare utdanning innan økonomi, rekneskap, revisjon eller tilsvarande
• god kjennskap til kommunal sektor og relevant lov- og regelverk
• relevant erfaring frå rekneskap, løn eller revisjon
• god systemforståing og god kompetanse i Excel og administrative IKT-system
• god munnleg og skriftleg framstillingsevne på norsk

     Det er ein fordel om du har:

• erfaring med kommunerekneskap
• erfaring med Visma Enterprise Plus
• erfaring frå fagleiing, rettleiing eller koordinering

Arbeidsoppgåver

Du får fagleg og operativt ansvar for kommunen si rekneskaps- og lønsfunksjon, med fagleg oppfølging av fire medarbeidarar. Arbeidsoppgåvene omfattar mellom anna:

• fagleg ansvar for kommunen sitt arbeid innan rekneskap og løn
• sikre god kvalitet i rekneskapsføring, lønsutbetalingar, avstemming og rapportering
• utvikle, forbetre og dokumentere rutinar og arbeidsprosessar
• bidra i årsavslutning, tertialrapportering og budsjettoppfølging
• bidra til god internkontroll og etterleving av lov- og avtaleverk
• vere rådgjevar og støtte for leiarar og tilsette i spørsmål om løn og økonomi
• delta i utviklingsarbeid, digitalisering og forbetring av system og arbeidsflyt
• samarbeide med andre fagmiljø og eksterne aktørar ved behov

Arbeidsoppgåvene kan bli justerte ut frå kompetansen og profilen til den rette kandidaten, og i takt med utvikling av økonomifunksjonen i kommunen.

Personlege eigenskapar

• er strukturert, grundig og har høg gjennomføringsevne
• ser heilskapen,og samstundeshar kontroll på detaljer
• trivst med å løyse problem og handtere komplekse problemstillingar
• kommuniserer tydeleg og byggjer gode relasjonar
• trivst med ansvar og har god arbeidskapasitet

Vi tilbyr

• Utfordrande og lærerikt arbeid i eit engasjert og fagleg kompetent arbeidsfellesskap 
• Eit fagmiljø i utvikling som du får vere med på å påverke og utvikle 
• Løn etter avtale og gode pensjons- og forsikringsordningar