Avdelingsleiar

Om stillinga

Ved eining for helse og rehabilitering, avdeling Bu, miljø og meistring, har vi ledig fast stilling som avdelingsleiar.

Avdelinga har ansvar for tenester til personar med behov for hjelp og oppfølging innan psykisk helse og rus, i tett samarbeid med avdeling for psykisk helse og rus.

Dei to avdelingane tilbyr mellom anna ROP-butiltak, miljøarbeid, praktisk bistand, lågterskel gruppetilbod, dagsenter, LAR-utlevering og individuell poliklinisk behandling og oppfølging. Nokre av tenestene er lågterskeltilbod, medan andre er vedtaksbaserte.

Som avdelingsleiar for Bu, miljø og meistring vil du ha kontor på Basen og arbeide tett på både brukarar og tilsette i medleverturnus. Du blir ein viktig lagspelar og vil ha ei sentral rolle i å sikre god flyt og kvalitet i den daglege drifta.

Du blir ein del av leiargruppa i eining for helse og rehabilitering. Eininga omfattar avdelingane Bu, miljø og meistring, psykisk helse og rus, legetenesta og fysio-, ergo- og hjelpemiddeltenesta.

Arbeidsoppgåver

• dagleg drifts-, personal-, resultat- og fagansvar for avdelinga
• ansvar for internkontroll, plan- og prosedyrearbeid
• administrative oppgåver
• fast medlem i kommunen sitt psykososiale kriseteam og stadfortredar for leiar av kriseteamet og einingsleiar for helse og rehabilitering
• miljøarbeid og andre relevante oppgåver

Kvalifikasjonar

• utdanna sjukepleiar eller vernepleiar, eventuelt anna relevant helse- og sosialfagleg høgare utdanning kan vurderas
• relevant leiarerfaring og/eller leiarutdanning
• vidareutdanning innan psykisk helse og rusarbeid er ønskjeleg, men relevant arbeidserfaring med ROP-brukarar blir vektlagd høgast
• kjennskap til relevant lovverk
• erfaring med turnusplanlegging er ein fordel
• erfaring frå arbeid med menneske i krise er ein fordel

Personlege eigenskapar

• strukturert og analytisk
• fleksibel og løysingsorientert
• gode relasjons- og samarbeidsevner
• evne til å arbeida både sjølvstendig og i team, ta initiativ og setja retning i arbeidet
• personlege eigenskapar vil bli tillagde stor vekt

Vi tilbyr

• utfordrande og lærerikt arbeid i eit engasjert og fagleg kompetent arbeidsfellesskap 
• eit fagmiljø under utvikling som du får vere med å påverke og utvikle 
• løn etter avtale, og gode pensjons- og forsikringsordningar