Fagkonsulent

Er du vår nye fagkonsulent?
Vi søkjer no etter ein engasjert og kompetent fagkonsulent til vårt ROP-team! Som fagkonsulent vil du få ei spanande og variert rolle innanfor helse- og sosialfagleg arbeid. I seksjonen er vi om lag 20 fagkonsulentar med ulik fagleg bakgrunn – frå psykiatriske sjukepleiarar til sosionomar og barnevernspedagogar – alle med vidareutdanning. Hos oss vil du jobbe tett saman med andre helse- og sosialfaglege spesialistar, som legar, psykologar, fysioterapeutar og fleire.

Om oss
ROP-teamet tilbyr utgreiing og behandling til personar med moderat til alvorleg rus- og avhengighetsproblematikk og psykiske lidingar. Vi nyttar ulike behandlingsformer som samtaleterapi, både individuelt og i grupper, og medikamentell behandling der det er naudsynt. Vi har brei kompetanse innan kognitiv terapi, motiverende intervju, gruppebehandling og medikamentell behandling. Vi jobbar tett med kommunale tenester og andre aktørar. 

Poliklinikken vår har 55,5 tilsette og er ein allmennpsykiatrisk poliklinikk. Vi er organiserte i ulike team: allmennteam, oppfølgingsteam, ROP-team og avklarings- og utgreiingsteam. Vi har også eit ambulant akutteam og eit FACT-team, som begge held til utanfor poliklinikken. 

Ved interne omrokkeringar kan det bli ledig stilling ved allmennteam eller oppfølgingsteam.

Vi ber om at attestar og vitnemål vert lasta opp saman med søknaden din.

Arbeidsoppgåver

• Utgreiing og behandling av rus- og psykiske lidingar i samarbeid med spesialist
  
• Delta regelmessig i tverrfaglege behandlingsmøter, rettleiing og vere med på alle faste møte
  
• Delta i diverse samarbeidsfora rundt pasienten
  
• Vidareutvikling av behandlingstilbodet

Kvalifikasjonar

• 3- årig helse- og/eller sosialfagleg utdanning på bachelornivå med relevant vidareutdanning frå høgskule/universitet
• Fortrinnsvis sjukepleiar, sosionom eller vernepleiar 
  
• Vi ønskjer at rett kandidat har erfaring frå denne type arbeid eller tilsvarande
  
• Det er sterkt ønskjeleg at ein har terapiutdanning i tillegg til grunnutdanninga
• Må ha gode skriftlege og munnlege norskkunnskapar 

Personlege eigenskapar

• Du har gode samarbeidsevner
  
• Du er strukturert og målretta
  
• Du er nytenkande og endringsorientert
  
• Du liker å arbeide sjølvstendig og i tverrfagleg team
  
• Du kommuniserer godt både internt og eksternt
  
• Du har vilje til å bidra til å styrke eigen og andre sin kompetanse
  

Å vere personleg eigna vert vektlagt ved tilsetting. 

Vi tilbyr

• Eit godt og triveleg arbeidsmiljø med dyktige og erfarne kollegaer
  
• Varierte og spanande arbeidsoppgåver
  
• Moglegheit for vidare- og etterutdanning
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Byen vår! Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Området har mykje natur å by på, varierte turmulegheiter i både skog, fjell og fjord. Her er det gode miljø innanfor klatring og friluftsliv og det er nyleg etablert eit innandørs klatresenter. Like utanfor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen, samt hurtigbåt med fleire daglege avgangar til Trondheim. Les meir om Kristiansund - klippfisk og Atlanterhavsbyen her.

Kontaktinformasjon

Arbeidsstad

Nøkkelinformasjon: