Prosjektleiar investeringsprosjekt

Stad kommune har ledig 100 % stilling som prosjektleiar for investeringsprosjekt for Stad kommune. Prosjekta omfattar kommunale utbyggings- og utviklingsprosjekt i hovudsak innanfor eigedom og kommunalteknikk. Stillinga er plassert i eining for kommunalteknikk.

Prosjektleiarane arbeider i team saman med andre rådgjevarar/prosjektleiarar, entreprenørar og andre tilsette i Stad kommune. Vi har også eit tett samarbeid med Stad Eigedomsutvikling KF ved utvikling av kommunale næringsareal.

Den som vert tilsett i stillinga kan velje om ein vil ha oppmøtestad på rådhuset på Nordfjordeid eller på kommunehuset i Selje.

Arbeidsoppgåver

• Leie ulike investeringsprosjekt frå planlegging til overlevering av ferdig bygg/anlegg
• Prosjektere og utarbeide førebels kostnadskalkyler for prosjekt
• Utarbeide konkurransegrunnlag for ulike investeringsprosjekt
• Delta i tverrfagleg samarbeid med interne og eksterne aktørar
• Økonomistyring og sakshandsaming knytt til prosjekta
• Førebu saker til politisk handsaming
• Anna utgreiings- og utviklingsarbeid
  

Kvalifikasjonar

• Du har relevant bachelor-/mastergrad innanfor fagområda vatn, avløp, overvatn, bygg, eigedom eller anlegg.
  
• Erfaring som prosjektleiar vil bli vektlagt, men vi oppfordrar også nyutdanna til å søkje
• Du har god kunnskap om og erfaring med regelverk innan områda bygg/anlegg, offentlege anskaffingar og Norsk Standard (NS) for entrepriser
• Du har kjennskap til offentleg forvaltning
• Du har god forståing for og erfaring med IKT- verktøy
• Du har god skriftleg og munnleg framstillingsevne på norsk
• Du har førarkort klasse B

Personlege eigenskapar

• Du er strukturert, serviceinnstilt og løysingsorientert
• Du har gode samarbeidsevner og er omgjengeleg
• Du trivast med høgt arbeidstempo
• Du likar å samarbeide med andre, men må også kunne arbeide sjølvstendig

Tidlegare relevant erfaring og personlege eigenskapar vil bli lagt vekt på.

Vi tilbyr

• Ein organisasjon med høg kompetanse og  godt tverrfagleg samarbeid
• Interessante og utfordrande arbeidsoppgåver
• Dyktige og hyggelege kollegaer 
• Fleksitidsordning
• Gode pensjons- og forsikringsordningar
• Løn etter kommunale vilkår i samsvar med gjeldande lov- og avtaleverk
• Flyttegodtgjersle om du vil flytte til kommunen vår

Vi ber om at du lastar opp vitnemål og attestar saman med søknaden. Vi ber om relevante referansar av nyare dato. Stad kommune har 6 månader prøvetid.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. 

Dersom du har spørsmål om stillinga kan du ta kontakt med prosjektkoordinator Merete Nerland eller kommunalsjef Astrid F. Paulsen.

Kontaktinformasjon

Astrid Paulsen, Kommunalsjef Kultur og samfunn, 48116806, Astrid.paulsen@stad.kommune.no
Merete Nerland, Prosjektkoordinator, 97990440, merete.nerland@stad.kommune.no

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 5043802138
Stillingsprosent: 100%
Fast
Søknadsfrist: 12.04.2026