Avdelingssjef Psykosomatisk medisin
Divisjon psykisk helsevern/ Psykiatrisk klinikk, Helse Bergen
Sandviksleitet 1, 5036 Bergen
Om jobben
Stillingstittel
Avdelingssjef Psykosomatisk medisin
Type ansettelse
Fast, heltid 100%
Antall stillinger
1
Avdeling Psykosomatisk medisin, i dag lokalisert i glasblokkene på Haukeland, er ei av fem avdelingar i Psykiatrisk klinikk, Divisjon Psykisk helsevern. Avdeling Psykosomatisk medisin består av tre seksjonar; Seksjon for alderspsykiatri, Seksjon for nevrostimulerande behandling ECT og Konsulttenesta.
Psykiatrisk klinikk er i stadig utvikling og har som ambisjon å vere eit fyrtårn innan psykisk helsevern. Kvalitet i behandling og pasienttryggleik, og eit fagleg sterkt og godt arbeidsmiljø er sentralt i arbeidet vårt. Psykiatrisk klinikk er i ei spennande utvikling med planar for framtidas psykiske helsevern på Sandvikenområdet og i Årstadhuset på Haukeland i 2027/2028.
Vi skal tilsette avdelingssjef for Avdeling for psykosomatisk medisin. Vi søker etter deg som er fagleg sterk, handlingsorientert og har ei tillitsskapande kommunikasjons- og samarbeidsform. Du har lyst og kraft til å leie drifta, samtidig som du har ei nøkkelrolle i det strategiske arbeidet med å sette retning for utviklinga mot framtidas psykiske helsevern på Sandvikenområdet og i Årstadhuset. Som vår avdelingssjef må du vere erfaren og trygg nok til å gjere harde og strategiske prioriteringar. Du er ein handlekraftig og endringsvillig leiar, som tar ansvar, ivaretar og motiverer. Du er opptatt av fagleg kvalitet i alle ledd og kan vise til resultantar frå tidlegare arbeid. Avdelingssjefen rapporterer til klinikkdirektør og stillinga vil vere ein del av klinikkens leiargruppe.
Arbeidsoppgåver
Som avdelingssjef har du totalansvaret for fag, personal og økonomi i eiga avdeling. Du har ansvar for å leie utviklinga av det faglege tilbodet i avdelinga i tråd med lovverk og sentrale føringar og i samhandling med dei andre avdelingane i sjukehuset og samarbeidspartnarane eksternt. Dette inneber mellom anna:
- Leie og vidareutvikle avdelingas organisering, leiingsstruktur og tenestetilbod
- Vera ein aktiv bidragsytar inn i klinikkens leiargruppe, og i arbeidet med strategisk utvikling av tenestene
- Personalansvar for seksjonsleiarar og behandlarar i eiga avdeling
- Vidareutvikle samarbeidet med somatiske avdelingar i sjukehuset, Olaviken og Haraldsplass Diakonale Sykehus som ledd i utviklinga mot framtidas psykiske helsevern
- Motivere og legge til rette for kvalitetsforbetringsarbeid i avdelinga
Kvalifikasjonar
- Relevant helsefagleg utdanning på universitets eller høgskolenivå
- Relevant leiarerfaring
- Det er ønskeleg med utdanning innan leiing
- Relevant arbeidserfaring og god innsikt i fagområdet
- Forskingskompetanse
Utdanningsretning
- Medisin
- Sjukepleie videreutdanning
- Psykologi
Personlege eigenskapar
- Vi søker ein samlande, handlekraftig og ansvarleg leiar med god evne til å prioritere
- Du er engasjert, tillittsvekkande og bygger gode relasjonar og samarbeidsforhold
- Du er strategisk, analytisk og løysingsorientert
- Du er nytenkande, ambisiøs og har stor arbeidskapasitet
- Du inspirerer og motiverer andre til å yte sitt beste
- Du handterer komplekse problemstillingar og toler å stå i krysspress
- Personleg egnethet blir lagt vekt på ved tilsettinga
Vi tilbyr
- Ein organisasjon med høgt kvalifiserte fagfolk som er inne i eit spennande utviklingsarbeid
- Ein godt utvikla stab og støttefunksjon
- Lønn etter avtale
- Gode pensjons- og forsikringsordningar
Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Kontaktinformasjon
Brede Aasen, Klinikkdirektør, 90097886, brede.aasen@helse-bergen.noErik Johnsen, Klinikkoverlege, 92456225, erik.johnsen@helse-bergen.no
Arbeidsstad
Sandviksleitet 15036 Bergen
Nøkkelinformasjon:
Arbeidsgivar: Helse BergenReferansenr.: 4671867860
Stillingsprosent: 100%
Fast
Søknadsfrist: 20.06.2023
Om bedriften
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Sektor
Offentlig
Annonsedata
Rapporter annonse- Stillingsnummer
2356596
- Hentet fra
talentech
- Referanse
9ad1ad2071284658886aae3963944b6e