Vil du gjere bustadhandel tryggare?

Vi søker etter deg som er jurist (rådgivar/seniorrådgivar) og ønsker å bidra til å gjere bustadhandel gjennom eigedomsmeklar tryggare. Finanstilsynet har tilsyn med blant anna eigedomsmeklingsbransjen, og seksjonen jobbar for at forbrukarar skal kunne ha tillit til at omsetning av bustad gjennom meklar skjer på ein sikker, ordna og effektiv måte.

Hos oss vil du blant anna førebu og gjennomføre tilsyn med regelverksetterlevinga hos eigedomsmeklingsføretak og enkeltmeklarar, i tillegg til å utarbeide tilsynsrapportar, forvaltningsvedtak og behandle klager. Du vil få rettleie bransjeaktørane og kundar om regelverk og tilsynspraksis, og har omfattande kontakt med eigedomsmeklingsbransjen i heile Noreg. Du vil også jobbe med ulike forvaltings- og utgreiingsoppgåver, og dessutan utarbeiding av rettleiingar og anna informasjonsverksemd.

Arbeidet er variert, og i stillinga vil du få gode moglegheiter for fagleg utvikling og god innsikt i regelverket innanfor fast eigedom, kvitvasking og offentleg forvalting.

Kva kompetanse er viktig i denne rolla?

• juridisk embetseksamen (master i rettsvitskap) med gode resultat
• minimum to års relevant arbeidserfaring, for eksempel frå eigedomsmeklingsområdet, med risikostyring/internkontroll/compliance, advokatbransjen eller frå offentleg forvalting
• god skriftleg og munnleg framstillingsevne på norsk
• godt juridisk skjønn

Vi søker deg som har

• fagleg interesse og engasjement for arbeidsområda til stillinga og -oppgåver
• gode kommunikasjons- og samarbeidsevner
• evna til å jobbe sjølvstendig og systematisk
• evna til å ta initiativ og evne til å behandle sakene effektivt i ein travel kvardag

Det blir lagt vekt på at du er personleg eigna og motivert for stillinga.

Kvifor skal du velje oss?

• eit inspirerande samfunnsoppdrag, spennande arbeidsoppgåver og eit godt arbeidsmiljø med kunnskapsrike og engasjerte kollegaer
• moglegheit til å jobbe tverrfagleg med kollegaer frå andre fagområde, og med gode moglegheiter til å planlegge eigen arbeidsdag
• store moglegheiter for fagleg utvikling i eit miljø med høg kompetanse
• gode velferdsordningar og ein generelt fleksibel personalpolitikk
• pensjonsordning og moglegheit for lån i Statens pensjonskasse
• fleksibel arbeidstid (inkludert sommartid) og betalt overtid
• moglegheit for trening i arbeidstida (ein time i veka)
• moglegheit for heimekontor (for tida inntil to dagar i veka)

Stillinga blir lønt som rådgivar kr. 645 000–730 000 eller seniorrådgivar kr. 720 000–950 000, avhengig av kompetanse og erfaring. For seniorrådgivarar er det krav om minst fem års erfaring. For spesielt kvalifiserte søkarar kan høgare lønn vurderast. Tiltreding etter avtale. 

 

Viktig informasjon til deg som søker stillinga

• For å bli vurdert for stillingane må du legge ved vitnemål og relevante attestar.
• Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV. Dersom det er mogleg, vil vi legge til rette for medarbeidarar som har behov for det. For positiv særbehandling sjå: http://arbeidsgiver.difi.no/positivsaerbehandling 
• Etter at søknadsfristen har gått ut vil vi utarbeide ei offentleg søkarliste, jf. offentleglova § 25.
• Du kan skrive søknaden på nynorsk eller bokmål.
• Vi utfører bakgrunnssjekk av den som blir tilsett i stillinga.  
• Les meir om Finanstilsynet på nettstaden vår - www.finanstilsynet.no 

 

Kontaktinformasjon

Arne Solberg, Seksjonsleder, +47 22 93 98 05

Arbeidsstad

Revierstredet 3
0151 Oslo

Nøkkelinformasjon:

Arbeidsgivar: Finanstilsynet

Referansenr.: 5113265081
Stillingsprosent: 100%
Fast
Søknadsfrist: 05.05.2026