Sjukepleiar / Spesialsjukepleiar / Helsefagarbeidar

Er du sjukepleiar, spesialsjukepleiar eller helsefagarbeidar med interesse for ortogeriatri og/eller nevrologi? Vi ønskjer deg og din kompetanse inn i vårt sengeområde – bli med på laget!

Når vi om kort tid flyttar inn i det nye akuttsjukehuset for Nordmøre og Romsdal på Hjelset, vil avdelinga inkludere ortogeriatri, i tillegg til generell nevrologi og slag. Vi skal bygge fag og lag! Målet vårt er å skape ei avdeling med høgt fagleg nivå og eit godt, stabilt arbeidsmiljø. Har du interesse for ortogeriatri eller nevrologi, eller har relevant vidareutdanning, håper vi at du tek kontakt.

Vi har fokus på ei heilskapleg tilnærming for å betre pasientens funksjon og livskvalitet, basert på kva som er viktig for pasient og pårørande. Alle fagområda i avdelinga samarbeider tett med det tverrfaglege teamet. Pasientane i vår avdeling kjem inn som anten planlagde innleggingar eller øyeblikkeleg hjelp. Dette gir ein variert og utfordrande arbeidskvardag med høgt tempo og stor arbeidsglede.

Skriv gjerne i søknaden kva stillingsstorleik du kan tenkje deg, og kva fagområde som interesserer deg.
Vi har i utgangspunktet tredelt turnus med arbeidshelg kvar tredje helg, men vi vurderer moglegheita for å tilby langvakter.
Vi ber om at attestar og vitnemål blir lasta opp som vedlegg til CV.

Arbeidsoppgåver

• Sjukepleie til eldre med brot
• Sjukepleie til geriatriske pasientar
• Sjukepleie til pasientar på sengepost
• Systematisk pre- og postoperativ oppfølging
• Legemiddelhandtering
• Stell og pleie
• Tverrfagleg samarbeid
• Bygge kompetanse og fag
• Rettleiing av sjukepleiarstudentar
• Gjere seg kjend med og halde seg oppdatert på prosedyrar og retningslinjer på sengeposten

Kvalifikasjonar

• Norsk autorisasjon som sjukepleiar
• Relevant vidareutdanning kan bli prioritert
• Må beherske norsk både skriftleg og munnleg

Personlege eigenskapar

• Ønske om å jobbe med geriatriske eller nevrologiske pasientar
• Gode samarbeidsevner; evne til å jobbe i team og sjølvstendig
• Positiv innstilling og evne til å ta initiativ
• Ansvarsfull, påliteleg, fleksibel og løysingsorientert
• Bidra til eit godt arbeidsmiljø

Personlege eigenskapar vil bli vektlagt ved tilsetjing.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Monika Bolsønes Knutsen, Seksjonsleiar, +47 94132084, Monika.Bolsones.Knutsen@helse-mr.no

Arbeidsstad

Parkvegen 84
6412 Molde

Nøkkelinformasjon:

Arbeidsgivar: Helse Møre og Romsdal HF

Referansenr.: 4864822666
Stillingsprosent: 100, 50%
Fast
Startdato: 03.02.2025
Søknadsfrist: 19.01.2025