Er du klar for å ta kvalitetsansvaret i eit moderne og framtidsretta laboratorium?

Vi har ledig 100 % fast stilling som fagansvarleg ingeniør kvalitet, dagturnus. Dagturnus vil innebere laurdags- og heilagdagsvakter, og vaktene blir fordelt mellom bioingeniørar i vaktplan.

Medisinsk mikrobiologi er ein del av avdeling for laboratoriemedisin ved klinikk for medisinske tenester og beredskap i Helse Fonna. Avdelinga vår har teke i bruk ny avansert teknologi med høg grad av automasjon og digitale løysingar. Vi er i stadig utvikling.

Fagansvarleg ingeniør kvalitet er ein del av leiarteamet ved Medisinsk mikrobiologi og skal ha ei sjølvstendig rolle ved vurdering av kvalitetsspørsmål. Fagansvarleg vil vera laboratoriet sin representant i avdelinga sitt tverrfaglege kvalitetsnettverk. 

Vi hjelper deg med reise- og flyttekostnader (inntil 20.000,-) Vi dekker husleige dei første 6 månadane (inntil 60.000,-).

Intervju blir gjennomførte fortløpande, og vi er fleksible når det gjeld oppstartsdato. Ta kontakt med Tiril dersom du har spørsmål!
Ved eventuell intern tilsetjing kan det bli ledig ei anna stilling som fagingeniør eller fagansvarleg ingeniør i dagturnus. Angi i søknad om dette er av interesse for deg.

Arbeidsoppgåver

• Delta i laboratoriets rutinearbeid
• Medverka til fleksibel og rasjonell drift av verksemda og sikre at arbeidet blir utført i samsvar med gjeldande føringar gitt via konsensusmøter, krav gitt i ISO 15189, etablerte kvalitetspolitikk og kvalitetsmål
• Ressursperson og pådrivar i utviklings- og forbetringsarbeid
• Ansvarleg for at det finst nødvendige prosedyrar og opplæringsplanar innan eige fagområde
• Følgja opp og rapportera på kvalitetskontrollar og kvalitetsindikatorar
• I samarbeid med funksjonsleiar og overlege finna og sette i verk tiltak for kontinuerleg forbetring av laboratorieverksemda
• Gi råd og rettleiing, samt bistå kollegaer, funksjonsleiar og overlegar i kvalitetsspørsmål
• Opplæring og rettleiing av studentar og nytilsette
  
• Oppgåver relatert til kvalitetssystem, kvalitetsarbeid og utviklingsarbeid

Kva kompetanse er viktig i denne rolla?

• Bioingeniør med norsk autorisasjon
• Kompetanse og erfaring innan mikrobiologi blir vektlagd
• Det vil bli lagt vekt på erfaring frå akkrediteringsprosessar og kvalitetsarbeid
• Kunnskap i bruk og forståing av ISO 15189 standarden eller andre samanliknbare standardar for kvalitetsstyring
• Kunnskap innan relevant medisinsk-teknisk utstyr og IKT-system blir vektlagt
• Må ha ein nøyaktig arbeidsmetodikk med stor forståing av prosedyre handtering, og validering/verifisering av nye metodar og instrument
• Gode kommunikasjonsferdigheiter i norsk, munnleg og skriftleg 

Det vil bli lagt stor vekt på personlege eigenskapar og vilje til å ta ansvar. 

Kva ser vi etter hos deg?

Vi ser etter deg som:

• har motivasjon og interesse for fagfeltet 
• er punktleg og påliteleg 
• har gode samarbeidsevner
• er god til å sjå kva som må gjerast, og tilbyr og mottar gjerne hjelp 
  
• trivst i eit tverrfagleg miljø 
• toler å stå i krevjande situasjonar og meistrar høgt tempo 
• bidreg positivt til eit fagleg og sosialt arbeidsmiljø

Kvifor skal du velje oss?

Hos oss får du:

• Eit triveleg og inkluderande arbeidsmiljø med dyktige og engasjerte medarbeidarar 
• Eit laboratorium og eit fagområde under utvikling
• Ein spennande jobb med varierte arbeidsoppgåver

For å kunne vurdere fortrinnsrett til stilling, må søkar gi til kjenne dette i søknaden

Vitnemålsportalen
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Tiril Knutsen, Funksjonsleiar - Medisinsk mikrobiologi, +47 41441849, tiril.knutsen@helse-fonna.no

Arbeidsstad

Karmsundsgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 4964295719
Stillingsprosent: 100%
Fast
Søknadsfrist: 08.06.2025