Driftsteknikar (med fagbrev)

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Om stillinga:

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad. Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelingar.

Eigedomsavdelinga sitt oppdrag er å levere gode bygg og bidra til UiB når sine mål. Vi har ansvar for forvaltning, drift og vedlikehald av universitetet sin samla bygningsmasse, som omfattar rundt 95 bygningar med i alt 390.000 m2. Avdelinga har omlag 100 tilsette og er organisert i seksjonane Drift, Prosjekt, Fagstøtte og Stab og Større satsingar.

Avdelinga forvaltar eit årleg budsjett til drift og investering på omlag 950 mill. Bygningsmassen er hovudsakleg lokalisert til Nygårdshøyden og Årstad/Haukeland og varierer frå verneverdige bygningar og kontoriserte bygardar, til moderne undervisningsbygg og avanserte laboratoriebygg.

Driftsteknikar (med fagbrev)
Vi har no 1-2 ledige 100 % stillingar som driftsteknikar med fagbrev. Vi søkjer deg som er initiativrik, strukturert og har stor interesse for tekniske anlegg. Du må kunne handtere fleire oppgåver samtidig og arbeide i tråd med våre verdiar: samhandling, respekt, redelighet og openheit.

Dei utlyste stillingane er i dag plassert i driftsområde Nord. Driftsområdet ligg på nordlege Nygårdshøgda. Her ligg ei rekkje kontor- og undervisningsbygg, men også bibliotek, magasin og museum med strenge inneklimakrav. Mange av bygga har vernestatus. Her ligg òg sentrale deler av UiBs nærvarmeanlegg på driftsområde Nord. Område Nord har også ansvaret for drift av UiBs bygg på Arboretet og Espegrend.

Arbeidsoppgåver:

Stillinga byr på varierte og utfordrande oppgåver innan drift og vedlikehald av tekniske installasjonar. Du må kunne løyse problemstillingar på tvers av fagområde og bidra til effektiv og trygg drift av bygga.

Bruk av digitale verktøy som BIM vert stadig viktigare i byggdrift. Du må ha gode IT-kunnskapar og vere villig til å ta i bruk ny programvare og systemløysingar.

Stillinga rapporterer til drifts- og vedlikehaldsleiar.

Kvalifikasjonar og eigenskapar:

Søkjaren må ha følgjande kvalifikasjonar:

• Relevant fagarbeidarutdanning (fagbrev), fortrinnsvis som røyrleggar. Fagbrev innan ventilasjon, kjøling, elektro eller byggdrift vil også bli vurdert. Lang og relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• Relevant erfaring med større bygg og tekniske anlegg, og erfaring med større tekniske anlegg som varme-/kjøleanlegg, varmepumper, kjølemaskiner, ventilasjonsanlegg, klimatiserte rom, sentral driftskontroll o.l. vil bli særskilt vektlagt
• Grunnleggjande kjennskap til IT-verktøy
• Gode norskkunnskapar skriftleg og munnleg

Vi ser det som ein føremon at søkjar har:

• Kjennskap til/innsikt i fleire relevante fagområde
• Erfaring med drift av større moderne bygg
• Erfaring med ENØK-arbeid og optimalisering av drift av tekniske anlegg
• Erfaring med brannalarmanlegg og adgangskontrollsystem
• Erfaring med navigering i og bruk av 3D-modellar

Personlege eigeskapar:
Vi ser etter deg som:

• Bidreg til eit godt arbeidsmiljø og kultur for kunnskapsdeling
• Er kvalitetsbevisst og har yrkesstoltheit
• Er initiativrik og kreativ
• Har interesse for og evne til utvikling
• Arbeider nøyaktig og ryddig
• Kan handtere fleire utfordringar samtidig
• Arbeider effektivt både sjølvstendig og i samarbeid med andre
• Er serviceinnstilt

Vi tilbyr:

• Eit fagleg utfordrande arbeidsmiljø med varierte arbeidsoppgåver
• inspirerande, inkluderande og triveleg arbeidsmiljø
• Løn etter stillingskode som driftsteknikar (kode 1136) i løn frå kr 605.000 – 653.000 etter kvalifikasjonar og bakgrunn. For særleg kvalifiserte søkjarar kan vi vurdere høgare løn
• Opplæring og anledning til vidareutdanning og utvikling
• Medlemsskap i Statens Pensjonskasse med god pensjons- og forsikringsordning
• Bustadlån til gunstige vilkår i Statens Pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar som bedriftsidrettslag, bedriftshytter, kulturarrangement og bedriftsbarnehage

Generell informasjon:

 Utfyllande opplysningar om stillinga kan ein få ved å vende seg til konst. Eigedomsforvaltar Ove Johnny Gaupås, tlf.950 29 444

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppfordrar kvinner til å søkje.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.