Kommuneoverlege

Er du oppteken av gode helsetenester og vil vera med å forma samfunnsutviklinga i Bømlo kommune? 

Kommunen er ansvarleg for eit vidt spekter av helsetenester til dei som til ei kvar tid oppheld seg i kommunen vår. Kommunen skal sørga for nødvendig helsehjelp og er vidare ansvarleg for at helsetilboda er forsvarlege, i dag og fram i tid. Kommuneoverlegen spelar ei vesentleg rolle som premissgjevar og rådgjevar slik at kommunen vert i stand til å oppfylla sine forpliktingar etter lov og forskrifter.

Som kommuneoverlege vil du vera kommunen sin øvste medisinske rådgjevar med moglegheit for å påverka utvikling hos oss. Stillinga rapportera direkte til, og inngår som ein del av, kommunedirektøren si rådgjevargruppa.  

Stillinga som kommuneoverlege er 60 %, men me vil leggja til rette for 100 % ved å kombinera stillinga med pasientretta oppgåver, anten som fastlege eller med kommunale oppgåver. Dette etter nærare avtale.   

Arbeidsoppgåver

• Medisinfagleg rådgjeving
• Utarbeide folkehelsegrunnlag og bidra i utviklingsarbeid knytt til betre helse for alle aldersgrupper
• Bidra inn i kommunale planar som tek for seg mellom anna samfunnsutvikling
• Smittevern, miljøretta helsevern og psykisk helsevern
• Deltaking i kommunal planlegging, beredskap og kriseleiing
  
• Bidra til oppfølging av kommunalt tilsette og næringsdrivande legar i nærare samarbeid med leiar for legetenesta. Herunder å vidareutvikle system for spesialistutdanning for LIS legar
• Samhandling med spesialishelsetenesta og andre kommunar
  
• Administrasjon og sakshandsaming

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Medisinsk embetseksamen og norsk autorisasjon som lege
• Spesialist innan samfunnsmedisin eller ønsker om å ta spesialiseringsløpet 
• God framstillingsevne i norsk både skriftleg og munnleg
• Gode kunnskaper i data

I tillegg er det ynskjeleg at du har:

• Førarkort klasse B
• Interesse for statistkk og analyse
• Erfaring med og interesse for folkehelsearbeid
• Erfaring med og interesse for å leia prosjekt og utviklingsarbeid

Personlege eigenskapar

• God arbeidskapasitet
• Gode samarbeids- og kommunikasjonsevner
• Ha evne til å tenke heilskap og jobbe på tvers av fagområde
• God gjennomføringskraft og engasjement
• Kunne jobbe sjølvstendig og systematisk
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Fleksibel arbeidstid
• Løn etter avtale
• Stilling i ei inkluderande arbeidslivsverksemd (IA-verksemd)
• Medlemskap med tilsettegoder i velferdsklubben

Andre opplysningar

• Administrasjonsmålet i kommunen er nynorsk
• Tilbod om spesialisering innan samfunnsmedisin
• Det vert stilt krav om politiattest ved tilsetjing etter Helse og omsorgstenestelova § 5.4 
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med kommunedirektør Kjetil Aga Gjøsæter. 

Kontaktinformasjon

Kjetil Aga Gjøsæter, Kommunedirektør, 408 63 501, Kjetil.Aga.Gjosaeter@bomlo.kommune.no
Kjell Magnar Mellesdal, Kommunalsjef Helse, sosial og omsorg, 480 29 947, kjell.magnar.mellesdal@bomlo.kommune.no

Arbeidsstad

Leirdalen 1
5430 BREMNES

Nøkkelinformasjon:

Arbeidsgivar: Bømlo kommune

Referansenr.: 4668251196
Stillingsprosent: 60%
Fast
Søknadsfrist: 13.08.2023