Erfaringskonsulent

Seksjon dag ved Nordfjord psykiatrisenter har ledig 50% fast stilling for å oppretthalde pasientperspektivet i tenesta vår.

Psykiatrisenteret består av tre seksjonar: rus, døgn og dag. Seksjon Dag tilbyr poliklinisk behandling til menneske med utfordringar relatert til psykisk uhelse og rus.
I Seksjon Dag inngår blant anna eit FACT-team som jobbar oppsøkjande og fleksibelt for å hjelpe dei pasientane som treng tettast og mest tverrfagleg oppfølging. 

For å kunne gje eit breitt tilbod, legg vi vekt på å ha tilsette med ulik formell kompetanse og erfaring. Vi har til no hatt gode erfaringar med å ha erfaringskompetanse som ein del av fagmiljøet.

Arbeidsoppgåver

• Styrke pasientperspektivet og pasientmedverknaden i Seksjon dag og ved Nordfjord psykiatrisenter.
• Hovudsakleg direkte pasientretta arbeid i FACT-team og i poliklinikken ellers, men også deltaking i systematisk utvikling av tenestene.
• Representere erfaringskunnskapen i det tverrfaglege teamet.
  
• Motivere pasientar til å ta eigarskap til sin betringsprosess og styrke recoveryfokuset i tenesta.
  
• Pårørandeinvolvering og støtte.
• Samarbeid og samhandling med kommunehelsetenesta, NAV og andre tenesteytarar.
  
• Arbeidstida er på dagtid på kvardagar.
  

Kvalifikasjonar

• Du har fullført høgare yrkesfagleg utdanning for erfaringskonsulentar.
• Du har hatt utfordringar med psykisk uhelse og fått dag- og døgnbehandling i spesialisthelsetenesta for dette.
• Du kan nytte eigne erfaringer frå psykisk uhelse, samt behandling og betring frå denne, til å hjelpe andre menneske.
• Du beherskar norsk godt, både skriftleg og munnleg.
• Du har førarkort klasse B.
• Du er personleg eigna til arbeidet.

Personlege eigenskapar

• Du er open og kan bruke deg sjølv og dine personlege erfaringar i arbeidet, men har samstundes eit breitt perspektiv på kva som skal til for å få til tilfrisking.
  
• Du har evne til å byggje relasjonar til andre.
• Du har god rolleforståing, evne til refleksjon, og til å arbeide målretta over tid.
  
• Du kan samarbeide godt med andre, og ønskjer å utvikle deg fagleg.
  
• Du kan kommunisere tydeleg, og er trygg nok til å målbere ditt perspektiv.

Vi tilbyr

• Vekentleg rettleiing frå næraste leiar
• Deltaking i nettverk saman med andre erfaringskonsulsentar
• Opplæring i FACT-modellen og tilrettelegging for eventuelt KBT-utdanning 
• Kollegaer med høgt fagleg nivå
• Triveleg arbeidsmiljø
• Fagleg og personleg utvikling og høve til å ta relevant etter- og  vidareutdanning
• Løn etter avtale
• Gode pensjons- og forsikringsordningar 
  
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Børre Taklo, Seksjonsleiar, +47 91314965 - 90736303

Arbeidsstad

Sjukehusvegen 9
6770 Nordfjordeid

Nøkkelinformasjon:

Arbeidsgivar: Helse Førde

Referansenr.: 5162342789
Stillingsprosent: 50%
Fast
Søknadsfrist: 23.08.2026