Miljøarbeidar/elevassistent

Eid vidaregåande skule har ca. 330 elevar fordelt på fem utdanningsprogram, og ca. 70 tilsette og er ein framtidsretta skule som ligg idyllisk til midt i Nordfjord-regionen, omkransa av vakker natur.

Skulen tilbyr eit variert spekter av utdanningstilbod:
- Studiespesialiserande
- Påbygg til generell studiekompetanse
- Helsefag med studiekompetanse
- Elektro og datateknologi
- Teknologi og industrifag
- Frisør, blomster, interiør og eksponeringsdesign
- Nettbasert tilbod - påbygg til generell studeikompetanse for vaksne

Har du utdanning og erfaring frå arbeid med elevar som treng særskilt tilrettelegging? Har du lyst til å vere del av eit utviklingsorientert arbeidsmiljø?

Då er dette jobben for deg!

Arbeidsoppgåver

Eid vidaregåande skule har ledig 50% stilling som miljøarbeidar/elevassistent.

I rolla som miljøarbeidar/elevassistent vil du vere ein viktig vaksenperson til å følgje opp elevar slik at dei best kan lukkast i sin skulekvardag. Du vil støtte dei gjennom læringsaktivitetar i klasserommet og hjelpe dei med å handtere daglege utfordringar. Når det kjem til kommunikasjon, kan det vere behov for å bruke både munnleg og skriftleg språk - også teiknspråk. Vi har høgt fokus på å gi tilpassa opplæring slik at alle elevar kan delta, lære og trivast!

Kvalifikasjonar

Vi ser etter nokon som har erfaring frå arbeid med elevar som treng særskilt tilrettelegging, og utdanning med fagbrev som barne- og ungdomsarbeidar eller høgare utdanning innan vernepleie. Har du erfaring med bruk av teiknspråk eller med teikn til tale er det ein styrke.

Personlege eigenskapar

Vi ynskjer oss ein ny kollega som er inkluderande, positiv og engasjert. Du vil være ein viktig brikke i å fremje mangfald og samarbeid inn i elevens læringsprosess. Høg trivsel og samarbeid med elevar, lærarar og andre ressursar er viktige element for oss. Er du ein sånn type som lett får elevane og kollegaene til å smile, er du heilt klart på rett stad!

Merk at ei godkjent politiattest er nødvendig for denne stillinga.

Vi tilbyr

Vi tilbyr eit stimulerande fagmiljø med mange gode høve for personlig læring og utvikling. Løn og lønsutvikling er i tråd med tariffavtalen og vår lønspolitikk. Her får du også gode forsikrings- og pensjonsordningar.

Kontaktinformasjon

Ove Jonny Lillestøl, avdelingsleiar, 41530811, ove.jonny.lillestol@vlfk.no
Alf Reidar Myrstad, rektor                        , 90962632, alf.reidar.myrstad@vlfk.no

Arbeidsstad

Sophus Lie-vegen 3
6770 Nordfjordeid

Nøkkelinformasjon:

Arbeidsgivar: Vestland fylkeskommune

Referansenr.: 4992172308
Stillingsprosent: 50%
Fast
Startdato: 01.09.2025
Søknadsfrist: 03.08.2025