Politibetjent 3/2/1 - Gruppa for spesiell innsats 

Om stillinga

I Vest politidistrikt, for tida Geografisk driftseining Bergen, Askøy og Øygarden (GDE-BAØ) er det ledig ei fast stilling som politibetjent 3/2/1 i Gruppa for spesiell innsats (GSI). Den utlyste stillinga er knytt til  Bergen sentrum politistasjonsdistrikt, Gruppa for spesiell innsats (GSI). 

Gruppa for spesiell innsats driv innhenting, førebyggjing og kamp mot narkotikaomsetning i Stor Bergen (GDE BAØ), og kriminalitet som av erfaring finn stad i narkotikarelaterte miljø. I tillegg skal GSI trena og utføra oppdrag innan fagfeltet sivil tilnærming under demonstrasjonar, og andre bistandsoppdrag i heile Vest politidistrikt. Gruppa skal arbeida for å auke risikoen for å bli oppdaga for sal av ulovlege rusmiddel i driftseininga. Vidare er gruppa for spesiell innsats delt opp i to team med tre medarbeidarar pr. team. Kvart team har ein teamleiar normert som politiførstebetjent. Teama tenestegjer i ein arbeidsplan som i størst mogleg grad dekkjer dag og kveld i vekedagane og kveld/natt tredjekvar helg. Arbeidsplan kan bli endra i tråd med formålet i funksjonsskildringa. Gruppa skal arbeida førebyggjande og kunnskapsstyrt. All etterforsking skjer i samråd med metodejuristar ved organisert kriminalitet (FEE). 

Stillinga vil ha eit relativt høgt arbeidspress, og ved spesielle hendingar/saker må noko overtidsarbeid påreknast. Stillinga vil ha jamleg kontakt med andre avdelingar internt og eksternt.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å møta utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid, og fungerer som gode ambassadørar for politiet gjennom haldningane og handlingane sine i det daglege arbeide.

Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko me vil leggje vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Arbeid i samsvar med Gruppa for spesiell innsats sitt mandat/funksjonsskildring
• Utføra arbeidsoppgåver innan fagområda operativ etterforskning, førebyggging, sivil tilnærming, spaning og informantbehandling
• Saman med teamet jobba kunnskapsstyrt og effektivt ut frå dei prioriteringar som til kvar tid er sette for verksemda
• Jobba saman med GSI med å innhenta etterretningsinformasjon som bidrar til at distriktet blir sett i stand til å jobba kunnskapsstyrt for å kjempa mot prioriterte kriminalitetsområde
• Saman med GSI jobba tverretatleg, og samhandla aktivt med andre operative einingar i politidistriktet
• Medansvar for gjennomføring av tilbakemeldingsmøte knytt til etterforskning og påtalearbeidet i konkrete straffesaker, samhandling med EL3-funksjon i driftseininga med kriminalitetsforebygging som primærstrategi

Kvalifikasjonar

Dette må du ha for å være kvalifisert:

• Vitnemål frå politiskule/politihøgskule. Vedlagt karakterskjema skal fyllast ut og leggjast ved søknaden
• Tilfredstille dei generelle kompetansekrava til politibetjent 3 eller politibetjent 2
• Brei erfaring fra etterforskning
• Ha IP4-godkjenning, eller vere villeg til å gjennomføre dette
• God skriftleg og munnleg formuleringsevne på norsk og engelsk
• Du må ha plettfri vandel og vere skikka for teneste i politiet og politiattest (uttømande og utvida) må innhentast ved eventuell tilsetjing jfr. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Det er også ønskelig med:

• Relevant tilleggsutdanning og erfaring fra fagområdet blir vektlagt
• Kompetanse og erfaring som informantbehandlar og erfaring innan sivil tilnærming/spaning vil bli vektlagt
• Fullført kurs i informantbehandlar, etterretning, spaningskurs og digital etterforskning
• Erfaring frå operativt patruljeteneste er ein fordel

Personlege eigenskapar

• Robust, med dette meiner vi at du må tåle å stå i tøffe psykiske og fysiske oppdrag
• Evne til å arbeida sjølvstendig og systematisk i ein hektisk arbeidskvardag
• Høg interesse for informantbehandling og sivilt politiarbeid
• Resultatorientert med evne til å ta avgjerder og ha god gjennomføringsevne
• Trives med høgt arbeidstempo  
• Ha høg yrkesetisk standard
• Har gode haldningar og samarbeidsevner, og trives med å arbeide i team
• Løysingsorientert og evner å ta raske avgjersler
• Vere tilpassingsdyktig, lojal og pliktoppfyllande
• Ha ønskje om fagleg utvikling og bidra til kunnskapsdeling
• Engasjerer deg i samfunnsoppdraget og er motivert for oppgåver du blir sett til å løysa

Som medarbeider i politiet har du høg etisk forståing, du kjenneteiknast av å være modig og heilskapsorientert, du viser respekt og er tett på. Du kan lese meir om våre etiske retningslinjer og medarbeiderplattform her.  

Slik søker du

Du søker ved å fylle ut CV i Jobbnorges CV-skjema og skrive eit kort søknadsbrev. I tillegg må du legge ved relevante vitnemål og attestar. Relevante kandidatar vil bli kalt inn til intervju.

Opplysingar om deg kan bli offentleggjort sjølv om du har anmoda om ikkje å bli ført opp på søkarlista. Dersom anmodninga ikkje blir tatt til følge, vil du bli varsla om dette.

Dette kan vi tilby om du vel oss

• Ein utfordrande og spennande arbeidsplass for deg som vil vere med på å forme eit politi for framtida
• Eit solid fagmiljø med gode utviklingsmuligheitar, og eit arbeidsmiljø med engasjerte og dyktige kollegaer
• Stillinga vert lønna som politibetjent 3/2/1 (stillingskode 1461/1459/1457) med årslønn:
  • politibetjent 3, SKO 1461, frå kr 630.000 - brutt per år, i tillegg kjem etterforskartillegg.
  • politibetjent 2, SKO 1459, frå kr 540.000 - brutto per år.
  • politibetjent 1, SKO 1457, frå kr 510.000- brutto per år.
• Medlemskap i Statens pensjonskasse, med blant anna gode pensjons- og forsikringsordningar. Les mer på www.spk.no 
• Gode arbeidsvilkår (turnus, trening i arbeidstida, o.l)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc