Vernepleiar

Om stillingen

I Elvevegen bueining bur det 10 bebuarar med nedsett funksjonsevne i alderen 32-74 år som det blir gjeven heildøgns helse og omsorgssteinestar til. Bebuarane har varierande utfordringar og hjelpebehov. I tillegg gjev vi tenester til ein ekstern tenestemottakar i nærområdet. 

Vi har avlastingsbustad for barn og unge og dagsenter knytt til eininga. Elvevegen bueining er plassert på Dale og har lett tilkomme med offentleg transport.

 

Vi søkjer no etter ein robust medarbeidar som har engasjement, godt humør og lyst til å bidra til fellesskapet vårt. Vil du vere med å bidra til god livskvalitet og ein meiningsfull kvardag for bebuarane våre? Vi ønsker å utvide kompetansen i bueininga vår med ein vernepleiar eller sjukepleiar.

Vi har ledig ein 100% fast stilling med moglegheit for langvakter på helg.

Velkomen til Elvevegen.

Arbeidsoppgåver

• Fagansvar, herunder ansvar for utarbeiding/oppfylging av IP og miljøpermar til fleire bebuarar
• Faglege utfordringar innan tradisjonelt miljøarbeid, psykiatri, geriatri og somatikk
• Sikre at tenestemottakarane får naudsynt hjelp og kvalitativt gode tenester i samsvar med gjeldsande lovverk, avtalar, vedtak og retningslinjer
• Kontakt og møte med eksterne og interne samarbeidspartnarar. Delta og ha ansvar for ansvarsgruppemøte.
• Bidra til å framja eit godt fagleg innhald i tenesta
• Rettleiing og opplæring av medarbeidarar
• Medikamenthandtering
• Miljøarbeid med bebuarane, praktiske gjeremål og dagleg drift i bustad. Vere ein pådrivar for ein aktiv og meiningsfull kvar dag
• Andre delegerte oppgåver frå leiar

Kvalifikasjonskrav

Me søkjer primært etter vernepleiar, men sjukepleiar vil bli vurdert

• Relevant vidareutdanning vil bli prioritert
• Interesse og engasjement for brukargruppa er ein forutsetnad
• God norsk munnleg og skriftleg framstillingsevne
• Må ha gyldig politiattest
• Må ha førarkort klasse B
• Gode IT kunnskaper er eit krav
• Ønskeleg med erfaring frå arbeid i bustad og avlasting for menneske med nedsatt funksjonsevne

Personlege eigenskapar:

• Du er trygg, tydeleg og tilstades for brukarane og kollegaer 
• Du arbeider godt både sjølvstendig og i samarbeid med medarbeidarar, samarbeidspartnarar og pårørande.
• Du er løysingsorientert, fleksibel og handterer ein uføreseieleg kvardag med høg arbeidskapasitet.
• Du bidreg positivt i arbeidsmiljøet ved å framja gode haldningar og etisk refleksjon. Du er ein bidragsytar til godt arbeidsmiljø.
• Du evnar og er oppteken av å skape tillit og gode relasjonar.

Hos oss er det viktig at du trivast med, meistrar og passar til arbeidsoppgåvene og i miljøet, difor legg me stor vekt på personleg eignaheit ved tilsettinga.

Vaksdal Kommune tilbyr

• Gode pensjons- og forsikringsordningar 
• Individuell oppfølging 
• Gode moglegheitar for støtte til utdanning
• Løn i tråd med tariffavtale og kompetansetillegg
• Vi kan tilby langvakter kvar fjerde helg