Trainee - sjukepleiar

Vil du vere med på laget vårt?

Medisinsk sengepost i Kristiansund har no ledige stillingar for trainee innan sjukepleie. Vi ønskjer deg som er ny og fersk i sjukepleiaryrket, men som enda ikkje er sikker på kva fagområde du ønskjer å fordjupe deg i. Du kan sjøl velje om du ønskjer 75 % eller 100 % stilling.

Det nye akuttsjukehuset på Hjelset (Sjukehuset Nordmøre og Romsdal) er ferdig om to år, og vi ønskjer å sikre fagkompetanse inn mot SNR.

Traineeforløpet inneber: 

• Kompetanseutviklingsprogram med fagdagar spesielt for traineesjukepleiarane    
• Oppstartsveke med fagdagar og introduksjon til HMR
• Fagleg og organisatorisk breddekompetanse
• Internundervisning på seksjonane
• Personleg utvikling og utfordringar

Innan dei første to åra av tilsettinga, vil dei nytilsette gå inn i eit traineeforløp. Traineeforløpet inneber ei rullering av arbeidsstad på fire ulike grupper på sengeposten med periodar på omlag seks månader kvar. Heile forløpet startar med felles kursdagar for traineene. Innan traineeforløpet vert det arrangert eigne fagdagar for traineesjukepleiarane med fokus på å byggje brei og god kompetanse innan både fag og organisasjon. I tillegg følgjer traineesjukepleiarane eit eige forløp med sjukepleiefagleg rettleiing. Etter to år som trainee, vil ein framleis vere tilknytta Klinikk SNR og fast tilsetting ved Sjukehuset Nordmøre og Romsdal (SNR). 

Arbeidsoppgåver

Traineeforløpet gir mogelegheit for interessante og varierte arbeidsoppgåver og utvikling av sjukepleiefagleg kompetanse.

• Generelle sjukepleieoppgåver ved dei ulike gruppane på sengeposten
• Vere ein del av dei tverrfaglege teama rundt pasientane
• Undervisning av pasientar, pårørande, kollegaer og primærhelsetenesten

Kvalifikasjonar

• Norsk autorisasjon som sjukepleiar
• Må beherske norsk skriftleg og munnleg 

Personlege eigenskapar

• Du er utadvendt og har godt humør
• Du ønskjer deg faglege utfordringar og variasjon i arbeidet
• Du er fleksibel og liker å jobbe med fleire fagområder
• Du har evne til å arbeide selvstendig, systematisk og er løysningsorientert 
• Du er ein god teamarbeider og har gode kommunikasjons- og samarbeidsevner
• Du er engasjert, lærevillig og omgjengeleg

Personleg eignaheit vert vektlagt ved tilsetting. 

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
• Rekrutteringstillegg kr 25000,-
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.     

Byen vår! Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her

Kontaktinformasjon

Elisabeth Jonassen, Seksjonsleiar, Elisabeth.Jonassen@helse-mr.no

Arbeidssted

Kristiansund sjukehus
6508 Kristiansund

Nøkkelinformasjon:

Arbeidsgiver: Helse Møre og Romsdal HF

Referansenr.: 4621143969
Stillingsprosent: 100%
Fast
Søknadsfrist: 09.04.2023