Helsesekretær/medisinsk sekretær

Klinikk for Hovud/hals Kontor har ledig 100% fast stilling som helsesekretær/medisinsk sekretær. For tida er stillinga lagt til arbeid ved poliklinikken vår. Vi søker ein sekretær som har kompetanse innan ulike arbeidsoppgåver som arbeid med telefoni, resepsjonsteneste, og oppgåver som inntaksarbeid og timebestilling. 

Klinikk for Hovud/hals består av to avdelingar; Øyre-Nase-Hals (ØNH) og kjevekirurgisk avdeling. Merkantilgruppa er organisert som ei eiga eining under seksjonsleiar og klinikkdirektør, og blir drive i tett samarbeid med alle einingar i klinikken. Klinikken har høg aktivitet med nær 2000 innleggingar, 2500 dag-kirurgiske og 42 000 polikliniske pasientkonsultasjonar kvart år.

Merkantil eining består av ca. 19,33 årsverk fordelt på 22 tilsette på ulike lokasjonar. Merkantil eining har ansvar for all pasientadministrasjon i klinikken. Oppgåvene er varierte og knytta til drift av poliklinikken, og fleire av oppgåvene blir det rullert på. I takt med endringar i klinikken står vi i tida framover foran mange spennande innovasjonsløysingar og nye digitale oppgåver som gjer at oppgåvene med tida kan bli endra.

Merkantil har eit stort pasientfokus der vi ønsker å møte pasientar og kvarandre på ein god måte, og ved tilsetting vil personlege eigenskapar og evne til samarbeid  bli særleg lagt vekt på. Vi søker deg som held godt fokus og trivast i ein travel kvardag, samt ønsker og bidra positivt til eit godt samarbeid og arbeidsmiljø

Arbeidsoppgåver

• Pasientadministrative oppgåver handtert i systemet DIPS, slik som handtering av ventelister, inntaksarbeid, timebooking, oppgjer samt jamleg oppfølging av målekort/rapportar
• Anna pasientadministrasjon som bestilling av transport, tolk, eventuelt hotell eller anna
• Pasientservice inkludert resepsjonsoppgåver og telefonbehandling
• Innkjøp, bestilling og mottak av diverse varer
• Delta i tverrfagleg forbetringsarbeid i klinikken

Kvalifikasjonar

• Norsk autorisasjon som helsesekretær eller medisinsk sekretær
• Det er ein fordel med relevant sjukehuserfaring og god kjennskap DIPS
• Du må ha god grunnleggjande datakompetanse
• Du må meistre norsk skrifleg og munnleg

Personlege eigenskapar

• Du må kunne jobbe sjølvstendig og vere serviceinnstilt
• Vere fleksibel og nøyaktig
• Like varierte utfordringar og ta ansvar for at oppgåvene blir løyst
• Bidra til eit godt arbeidsmiljø
• Personlege eigenskapar vil bli lagt vekt på

Vi tilbyr

• Lønn i samsvar med gjeldande overeinskomst
• Triveleg arbeidsplass med dyktigere kollegaer
• Varierte arbeidsoppgåver med moglegheit for eigenutvikling
• Gode pensjons- og forsikringsordningar
• Ein arbeidsplass som er ein Inkluderande arbeidslivsbedrift ( IA- bedrift)

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.  

Kontaktinformasjon

Ann Veronica Aasbø Zachariassen, Seksjonsleiar, 55 97 26 61, ann.veronica.aasbo.zachariassen@helse-bergen.no

Arbeidsstad

Haukelandsveien 22
5009 Bergen

Nøkkelinformasjon:

Arbeidsgivar: Helse Bergen

Referansenr.: 4639533634
Stillingsprosent: 100%
Fast
Søknadsfrist: 06.04.2023