Ved Volda ungdomsskule og Bratteberg skule er det behov for vikarstillingar fram til 31.07.2025.

 

* Ved Volda ungdomsskule er det behov for vikar i 100% lærarstilling, i vikariat frå 03.03.25 - 31.07.25.
 
Søkaren må ha godkjent pedagogisk utdanning, og det er ønskeleg med minimum 60 stp i norskfaget. Det er i tillegg ønskeleg med kompetanse i kroppsøving, KRLE og samfunnsfag. Også andre fag og arbeidsoppgåver kan vere aktuelle. 
 

Utover dei konkrete behova som er nemnt over, kan det også vere aktuelt med kortare vikariat knytt til andre fag. Vi oppmodar difor alle med godkjent pedagogisk utdanning og fagbakgrunn om å søkje.

Aktuelle søkarar vil bli kalla inn til intervju. 

 

* Ved Bratteberg skule er det behov for vikar i 100% stilling, i vikariat snarleg og fram til 31.07.2025.

Søkaren må ha godkjent pedagogisk utdanning, samt minimum 180 stp i relevante undervisningsfag. For denne stillinga er det fortrinnsvis GLU 1-7 eller allmennlærarutdanning ein ser etter.

 

Utover dei konkrete behova som er nemnt over, kan det også vere aktuelt med kortare vikariat knytt til andre fag. Vi oppmodar difor alle med godkjent pedagogisk utdanning og fagbakgrunn om å søkje.

Aktuelle søkarar vil bli kalla inn til intervju. 

 

Arbeidsoppgåver

Førebu, gjennomføre og etterarbeide undervisning. Anna tid med elevane, som til dømes elevsamtalar og tilsyn i friminutt. Legge til rette for og leie eit trygt og godt læringsmiljø, i nært samarbeid med elevar, føresette og kollegaer. Samarbeid med naturlege faginstansar, til dømes helsestasjon, PPT, BUP og barnevern. Volda er ein BTI-kommune (betre tverrfagleg innsats). BTI er ein modell for tverrfagleg samhandling, og skal bidra til at barn og unge og familiane deira får naudsynt hjelp så tidleg som mogeleg. Som tilsett i Volda kommune er det forventa at ein forstår og arbeider etter prinsippa i BTI-modellen.

Deltaking i skulen sitt pedagogiske utviklingsarbeid. Alle lærarar i grunnskulen i Volda må vere budde på å ta kontaktlæraransvar. Fleire av skulane er praksisskular, noko som gjer at alle lærarar må vere budde på å bidra inn mot lærarstudentar og praksis.

Sektor oppvekst arbeider etter visjonen om at "Volda kommune har trygge barn, unge og vaksne som deltek, meistrar og lærer". Alle våre tilsette skal ha dette som leiestjerne i sitt daglege arbeid.

Kvalifikasjonar

Godkjent lærarutdanning, ved høgskule eller universitet. Dette inneber godkjent pedagogisk utdanning, samt minimum 180 stp i relevante undervisningsfag. Volda kommune etterspør særleg lærarar som oppfyller kompetansekrava om 60 stp/30 stp i faga norsk, matematikk og engelsk (høvesvis ungdomssteget og barnesteget). Vi ser det som ein fordel at lærarane har breiast mogleg fagkompetanse.

Vi søkjer etter lærarar med god kunnskap i faga dei skal undervise i, som er autoritative vaksne og gode klasseleiarar med evne til å bygge gode relasjonar med elevane.

CV må fyllast ut i søknaden. Søkarane må og spesifisere i søknaden kva fag dei har 30, 60 eller meir studiepoeng i. 

Personlege eigenskapar

Vi forventar at den som vert tilsett har god evne til å bygge relasjonar med elevar, føresette, kollegaer og andre samarbeidspartar.

Vi forventar og at ein syner god evne til samarbeid og sjølvstende i arbeidet, og at ein er med på å ta initiativ i skulen sitt faglege utviklingsarbeid.

Som arbeidsgjevar legg sektor oppvekst vekt på at våre lærarar skal ha god kompetanse innan klasseleiing.

Vi tilbyr

Tilsetjing skjer etter gjeldande lov, forskrift og avtaleverk. Dei som vert tilsett må legge fram gyldig politiattest, jf oppl.lova § 10-9. Prøvetida i Volda kommune er 6 månader. Volda kommune har god offentleg pensjonsordning i SPK. Stillinga er plassert i kap 4, lønsplassering, stillingskode og ansiennitet vert fastsett ved tilsetjing.

Fleire opplysningar får ein ved å vende seg til assisterande rektorar ved Volda ungdomsskule: Kjersti Markegård, tlf 482 59 846 og Monica Ertresvåg, tlf 990 21 279, og rektor ved Bratteberg skule: Anita Brekke, tlf  47865060.

Kontaktinformasjon

Anita Brekke, rektor Bratteberg skule, 47865060, anita.brekke@voldaskulen.no
Monica Ertresvåg, assisterande rektor Volda ungdomsskule, 99021279, monica.ertresvag@voldaskulen.no
Kjersti Markegård, assisterande rektor Volda ungdomsskule, 48259846, kjersti.markegard@voldaskulen.no

Arbeidsstad

Stormyra 2
6100 Volda

Nøkkelinformasjon:

Arbeidsgivar: Volda kommune

Referansenr.: 4913838885
Stillingsprosent: 100%
Vikar
Søknadsfrist: 07.02.2025