100% stilling som rådgjevar eigedomsskatt

Ledig stilling rådgjevar eigedomskatt

Ledig rådgjevarstilling på økonomiavdelinga i Ullensvang kommune - med hovudansvar for eigedomskatt.

Ullensvang kommune har eigedomskatt på næringseigedomar og energianlegg etter eigedomsskattelova § 3 bokstav d. Kommunen gjennomførte ny allmenn taksering i 2020, og nyttar datasystemet Komtek i arbeidet med eiendomsskatt.

Stillinga rapporterer til kommunalsjef økonomi. Stillinga er fulltid 100%, med arbeidsstad Odda rådhus.

Rådgjevarstillinga skal bistå med andre oppgåver ved anledning.
Økonomiavdelinga har ansvar for eigedomskatt og kraft, innkjøp, finans, pensjon, kostra, meirverdiavgift og -kompensasjon, rekneskap, budsjett og årsoppgjer.

Arbeidsoppgåver:

• Ajourholde oversikt over skatteobjekt og sørge for at nye skatteobjekt blir taksert.
• Berekning og utskriving av eigedomskatt i henhold til eiendomsskattelova og lokal forskrift.
• Registrere og sende ut krav på eiendomsskatt.
• Kundekontakt.
• Sekretariat for skattetakstnemda.
• Saksbehandling og klagesaksbehandling i eigedomskattesaker.
• Oppfølging av juridiske avklaringar.
• Andre arbeidsoppgaver i avdelinga

Kvalifikasjonskrav:

Personlege eigenskapar:

Du må arbeide sjølvstendig, men også i samarbeid med kollegaer. Du har god formuleringsevne, både skriftleg og munnleg. Du må kunne rettleie og støtte. Du har gjennomføringsevne.

Me tilbyr:

• Varierte arbeidsoppgåver
• Spennande arbeid
• Lønn etter hovudtariffavtalen
• Gode moglegheiter for kompetanseheving med støtte frå kommunen
• Fleksibel arbeidstid og gode permisjons- og pensjonsvilkår
• Vi legg til rette arbeidsplassen ved behov

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/