Rådgivar/seniorkonsulent løns- og personaladministrasjon

Om stillinga

Ved Høgskulen i Volda, Personal- og dokumentforvaltning er det ledig fast 100 % stilling som rådgivar/seniorkonsulent frå snarast mogleg.  

Personal- og dokumentforvaltning er ein del av fellesadministrasjonen. Vi er 10 faste tilsette som dekker ulike områder mellom anna reise, løn, tilsetting, sjukefråvær, HMS, arkiv, refusjonar og personaladministrativt arbeid.

Stillinga er knytt til dagleg drift innan løns- og personaladministrasjon og er ei stilling med varierte arbeidsoppgåver. 

Kvalifikasjonar

Den vi søkjer må ha:  

Relevant, høgare utdanning på master- eller bachelornivå. 

Omfattande og relevant erfaring kan kompensere for krav om utdanning. 

Relevant arbeidserfaring innanfor løns- og personaladministrasjon, sakshandsaming, eller utgreiingsarbeid. Erfaring frå offentleg verksemd vil vere ein fordel. 

Vi vil likevel oppfordre nyutdanna innanfor relevant arbeidsområde til å søke.  

God systemforståing. Erfaring med SAP og Public360 vil vere ein fordel.  

Søkjaren må ha gode norsk- og engelskkunnskapar, både skriftleg og munnleg. Administrasjonsspråket ved høgskulen er norsk.  

Vi ønsker ein kollega som tek sjølvstendig ansvar for oppgåveløysing, og held oversikt og prioriterer i ein hektisk kvardag. Det er store krav til fleksibilitet i stillinga.

Du likar å yte service og bidra i rettleiing/opplæring av tilsette og leiarar. Du har stor arbeidskapasitet, likar å jobbe etter tidsfristar og har gode samarbeids- og kommunikasjonsevner. 

Dagleg arbeidsstad er Høgskulen i Volda.

Arbeidsoppgåver

Det er stort spenn i arbeidsoppgåvene og det er pårekneleg med endringar.

• Godkjenne reiser og ivareta reisekøyring 
• Registrering, kontroll og vedlikehald av data for lønskøyring og utbetalingar
• Bidra i rutineoppgåver knytt til dei ulike fagfelta
• Følgje opp sentralt og lokalt plan-/avtaleverk 
• Bidra til utvikling av rutinar og prosesser innanfor relevante område
• Digitalisering - bidra i arbeidet med standardisering og utvikling av nye digitale løysingar

 

Ved tilsetjing i stilling som rådgivar vil det bli gitt meir ansvar innanfor dei nemnde oppgåvene.  

Vi tilbyr

• Moglegheiter for kompetanse- og karriereutvikling
• Varierte og interessante arbeidsoppgåver 
• Gode låne- og pensjonsvilkår i Statens pensjonskasse.
• Tilsettgode og fordelar, mellom anna moglegheiter for trening i arbeidstida og fleksibel arbeidstid

Stillinga er løna etter kompetanse og kvalifikasjonar. Ved Høgskulen i Volda er normal årsløn i stillingskoda 1363 seniorkonsulent kr. 590 000 – kr. 658 800 og 1434 rådgivar kr. 630 200 - kr. 745 000.  

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Nærare opplysningar om stillingane får ein ved å kontakte HR-sjef Odd Reidar Kvalsund 99245841 / odd.reidar.kvalsund@hivolda.no

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

 

Video: https://www.youtube.com/watch?v=wSlL1WkuUXc