Prosjektleiar

Har du ein gründertanke i deg? Høyrest det spennande ut å kunne utforme ein ny og kreativ møteplass i Florø? Vil du hjelpe andre ut i meiningsfulle jobbar?  
No har du sjansen til å leie arbeidet med å vidareutvikle Florøs første internasjonale jobb- og gründerklubb!  

KURS KF har fått prosjektmidlar frå Integrerings- og mangfaldsdirektoratet og Vestland fylkeskommune til å utvikle ei etablererteneste for flyktningar og innvandrarar. Vi har starta opp i eigna lokale i sentrum som huser ulike tenester og ein møteplass. No søker vi deg som kan vidareutvikle konseptet og som brenn for å inspirere og støtte fleirkulturelle entreprenørar og innvandrarar på vegen mot jobb. 

Målet er ein synleg fleirkulturell møteplass i sentrum som gir eit berekraftig tilbod til lokalsamfunnet – eit liten kafé, eit pusterom, kursverksemd og rom som blir til undervegs med tilbod om ulike tenester som marknad og gründerar etterspør. Der er allereie nokre gründarar på plass i lokala. Arbeidet vil innebere både oppfølging av desse og å identifisere og etablere samarbeid med nye gründarar .  

KURS KF (Kinn utdannings- og ressurssenter) er eit kommunalt føretak i Kinn kommune. Vi har fire avdelingar: introduksjonsavdeling, som driv med busetting av flyktningar og introduksjonsprogram, vaksenopplæring med norsk, samfunnsfag og grunnskule for vaksne, Solbakken asylmottak og ei avdeling for forsking og utvikling. Vi har som ambisjon å vere ein pådrivar for fagleg utvikling på våre felt, og i 2022 vann vi IMDi sin integreringspris.

Som prosjektleiar for vår nye satsing, vil du jobbe tett med dei ulike avdelingane, og særleg med rådgjevar for arbeid og praksis samt FoU-avdelinga.

Arbeidsoppgåver

Rett person får stor fridom i å vidareutvikle og drifte konseptet. Oppgåver inkluderer, men er ikkje avgrensa til, å: 

Koordinere og utvikle tenestetilbod 

Sørge for framdrift i samsvar med prosjektplan

Samarbeide med relevante aktørar 

Identifisere og rekruttere brukarar av tenesta   

Vidareutvikle og gjennomføre etablerarkurs  

Søke finansiering 

Kvalifikasjonar og personlege eigenskapar

Erfaringar og personlege eigenskapar er sentrale når vi skal finne rett kandidat. Vi ynskjer at du har kompetanse innan desse felta: 

- Erfaring frå fleire sektorar (til dømes privat/offentleg næringsliv, frivillig arbeid, kommune/fylkeskommune) 

- Erfaring frå liknande satsingsfelt (arbeid, utdanning, kvalifisering, entreprenørskap, innovasjon, berekraft, integrering) 

- Prosjektleiing/prosjektutvikling  

- Mangfaldskompetanse

- Det er også ynskjeleg med høgare utdanning

Vi ynskjer deg som er sjølvstendig, løysingsorientert, handlekraftig og fleksibel, og som i tillegg er god til å bygge relasjonar.  

Personlege eigenskapar blir vektlagt.  

Vi tilbyr

- Ein mangfaldig, innovativ og spennande arbeidsplass!  

- Eit inkluderande og sosialt arbeidsmiljø 

- Mogleheit for kompetanseheving og fagleg utvikling 

- Fleksitid 

Øvrige vilkår etter avtale

Vi vektlegg ulike typar mangfald i personalgruppa, og vil gjerne ha eit breitt spekter av søkjarar uavhengig av kjønn, alder, funksjonsnivå og bakgrunn. Det er også mogleg å diskutere stillingsprosenten om ynskjeleg.

Engasjementet er i utgangspunktet 18 månadar med høve til forlenging avhengig av finansiering. Oppstart fortrinnsvis i august, eller etter avtale.

Kontaktinformasjon

Eva Melvær Langaas, Dagleg leiar, +47 97180554

Arbeidsstad

Strandgata 43
6900 Florø

Nøkkelinformasjon:

Arbeidsgivar: Kinn kommune

Referansenr.: 4981003316
Stillingsprosent: 100%
Engasjement
Søknadsfrist: 03.07.2025