Lærling - barne-og ungdomsarbeidar

Kom å bli med på laget!

Å vere lærling betyr at du utdannar deg til eit yrke ved å jobba i ei bedrift der du får opplæring og praksis innan eit fagområde. Dette er ei yrkesretta utdanning som blir avslutta med ein fagprøve. Etter bestått fagprøve får du fagbrev, og kan søka på jobb som barne- og ungdomsarbeidar.

Som læring i Tysnes kommune får du ein trygg og lærerik start på arbeidslivet. Du får god opplæring og tett rettleiing gjennom læretida, saman med dyktige og engasjerte kollegaer. Du får varierte og meiningsfulle arbeidsoppgåver, og moglegheit til å prøva deg i både barnehage skule og skulefritidsordninga.

Når du er lærling hos oss, er du tilsette samstundes som du er lærling. Me har difor ei forventning til deg og din innsats i læreperioden. Om lag halvparten av læreperioden er opplæring, medan den andre halvdelen er verdiskaping. Det vil være mykje opplæring i starten av lærlingforløpet, og mest verdiskaping og auka forventning til sjølvstendig arbeid mot slutten. Vårt mål er at du skal utvikla deg til ein trygg fagperson og ein god kollega og arbeidstakar.

Arbeidsoppgåver

• Arbeidet vil følga læreplan i barne- og ungdomsarbeidarfaget.
• Deltek i opplæringa gjennom å løyse arbeidsoppgåver i praksis.
• Deltek i opplæringa gjennom å løyse teoretiske oppgåver etter læreplan.
• Bidra til verdiskaping i lærefaget gjennom sjølvstendig arbeid.
• Deltek aktivt for å nå mål i opplæringa, og deltek i planlegging og vurdering av eige læringsarbeid.

Kvalifikasjonar

• Gjennomført og bestått VG1-helse og oppvekstfag, og VG2 - barne- og ungdomsarbeidarfag.
• God ordenskarakter og lite fråvær.
• God norskkunnskap både skriftleg og munnleg.
• Kompetansebevis må leggast med søknaden - Vg1 og Vg2
• Førarkort kl.B er ein fordel.

• Søkjar med Vg1 kan bli vurdert.
• Vaksne som har erfaring frå oppvekst-sektoren med fullført teoridel, kan bli vurdert.

Dersom du får tilbod om stilling og takkar ja, er det krav om politiattest i tråd med barnehagelova § 30, opplæringslova § 17-11, jf. politiregisterlova § 39 fyrste ledd jf. § 5‑4, samt eigenerklæring for tuberkulose og MRSA.

Personlege eigenskapar

Me ønsker deg som:

• har engasjement for faget
• er lærevillig og har evne til å ta imot rettleiing.
• tek initiativ, er sjølvstendig og har engasjement for faget
• har evne til sjølvstendig arbeid og kritisk refleksjon
• er ansvarleg og punktleg
• er fleksibel og tilpassar deg ulike oppgåver

Personlege eigenskapar vert tillagt stor vekt. 

Kvifor skal du jobba hos oss?

Som læring hos oss får du ein god læringsarena med utfordrande arbeidsoppgåver, eit godt arbeidsmiljø med høg fagleg kompetanse, trygge og gode rettleiarar som er engasjert i sitt lærefag, samt opp

Løn bli gitt i samsvar med Hovudtariffavtalen. For fag som føl hovudmodellen med 2 år opplæring i skule og 2 år i Tysnes kommune vil det vere: 1.halvår: 30 % grunnløn, 2.halvår: 40 % grunnløn, 3.halvår: 50 % grunnløn, og 4.halvår: 80 % grunnløn.

Synest du stillinga verkar spennande, eller har du spørsmål? Ta gjerne kontakt med kontaktpersonane som står oppført i annonsen. 

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.

Tysnes kommune ønsker at rekrutteringa vår skal spegle mangfaldet i befolkninga. Alle kvalifiserte kandidatar blir oppmoda til å søke – uavhengig av kjønn, alder, funksjonsnedsetting, fleirkulturell bakgrunn eller om ein har hatt eit lengre opphald frå arbeidslivet. Me ønsker å legge til rette for inkluderande rekruttering.