Lærlingar i IT-driftsfaget

Ser du etter læreplass i IT-driftsfaget?

Hos Vestland fylkeskommune kan du få ein variert og lærerik læretid i eitt av dei største fagmiljøa innan IT‑drift i offentleg sektor.

Som IT‑lærling hos oss får du jobbe med reelle IT‑oppgåver i kvardagen på vidaregåande skular, saman med erfarne og flinke IT‑medarbeidarar. Du får god oppfølging, opplæring i breidde og djupne – og viktig erfaring som kan opne dører vidare i IT‑yrket.

Alle lærlingar blir tilsette i administrasjonen i Vestland fylkeskommune.

Vi tilbyr læreplassar ved følgjande lokasjonar:

• Os vidaregåande skule / gymnas
• Firda vidaregåande skule
• Eid vidaregåande skule
• Flora vidaregåande skule
• Sogndal vidaregåande skule
• Bømlo vidaregåande skule
  

For enkelte av lokasjonane kan det vere nødvendig å flytte for å gjennomføre læretida. Dette kan vere ein god moglegheit til å bli meir sjølvstendig, få nye erfaringar og sikre seg ein svært attraktiv læreplass innan IT‑driftsfaget.

Ver venleg å oppgi i søknaden kva for lokasjon eller lokasjonar du ønskjer læreplass ved.

Arbeidsoppgåver

Som IT‑lærling hos oss jobbar du praktisk med alle kompetansemåla i IT‑driftsfaget. Du får mellom anna erfaring med brukarstøtte, feilsøking, oppsett og drift av PC‑ar, nettverk, AV-utstyr og system. I tillegg til andre varierte oppgåver i seksjon IKT – med god rettleiing undervegs.

Kvalifikasjonar

• Gjennomgått og bestått VG1 Informasjonsteknologi og medieproduksjon
• Gjennomgått og bestått VG2 Informasjonsteknologi, lærefag i IT-driftsfaget
  

Personlege eigenskapar

Vi ser etter deg som:

• Likar å jobbe saman med andre og å hjelpe til der det trengst
• Er lærevillig og synest det er kjekt å utvikle deg fagleg
• Kommuniserer godt på norsk, både når du snakkar med folk og når du skriv

Vi tilbyr

• Ei trygg og lærerik læretid
• Jobbe med IT som er viktig for kvardagen på vidaregåande skular
• Fagleg opplæring og utvikling i samsvar med læreplanen for faget - og erfaring som tel vidare
• Løn som lærling etter gjeldande avtalar
• Fagprøve ved slutten av læretida

Kontaktinformasjon

Anette Vevle Øvreås, leiar, 92448210

Arbeidsstad

Lars Hillesgate 22
5020 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5120885899
Stillingsprosent: 100%
Fast
Startdato: 03.08.2026
Sluttdato: 02.08.2028
Søknadsfrist: 12.06.2026