Pedagogstillingar i barnehagane i Skjåk

Som pedagog i barnehagane i Skjåk vil du vere med på å forme ein nyskapande og spennande framtidig barnehage i Skjåk. Det er ledig fleire stillingar i barnehagane frå hausten 2025.

Som pedagog i barnehagane i Skjåk vil du vere med på å forme ein nyskapande og spennande framtidig barnehage i Skjåk.

Det er spennande tider i barnehagane i Skjåk. Bygginga av ny barnehage i Bismo startar hausten 2025, og midlertidig barnehage skal driftast på Skjåkheimen i byggeperioden. Hausten 2026 er målet at barnehageavdelingane Holemork og Bismo saman skal flytte inn i nye lokale med fem avdelingar. Barnehageåret 2025/2026 vil det bli jobba mykje med kva som skal kjenneteikne pedagogikken og drifta i den nye barnehagen. Dette er eit arbeid også Dønfoss barnehage vil vere med inn i. Dønfoss naturbarnehage er ein to-avdelingsbarnehage med naturen som ein stor del av kvardagen.

• Det er ledig 100 % vikarstilling som pedagogisk leiar. Stillinga vil vere ledig frå 11. august 2025 til 9. august 2026.

• Fleire vikarstillingar både som pedagogisk leiar og barnehagelærar kan bli ledige.

Stillingane vil vere i Dønfoss og Holemork barnehage.

Du kan gjerne skrive i søknaden kva for stilling du er mest interessert i.

Arbeidsområdet vil omfatte

• Rettleie og støtte det øvrige personalet i det pedagogiske/metodiske arbeidet

• Delegere arbeidsoppgåver til personalet og sikre at barnehagen sine mål blir nådd

• Utarbeide og gjennomføre årsplan i samarbeid med tilsette og styrar

• Legge til rette for godt samarbeid med føresette

• Dele kunnskap om barn si læring og utvikling, og bidra til kompetanseheving i barnehagen

• Halde seg fagleg oppdatert

Kvalifikasjonar

• Godkjent barnehagelærarutdanning

• Godkjent politiattest

Vi ynskjer at du

• har gode samhandlingsevner

• er raus og tydeleg og deltek aktivt i barnehagen sin kvardag

• er fleksibel i høve til omstillingar

• er ein person med evne til å arbeide målretta både sjølvstendig og i team

• er ein person med interesse for fag og fagutvikling

• har god norskkunnskap, kommunen har nynorsk som administrasjonsspråk

• har grunnleggjande kjennskap til bruk av IKT

Skjåk kommune ynskjer eit mangfald i personalgruppa, og oppmodar særleg menn til å søkje.

Vi tilbyr

• Tilsetting på kommunale vilkår med løn etter avtale

• Pensjonsordning i KLP

Spørsmål om stillinga kan rettast til styrar Heidi Jevnheim , telefon 901 93 957.

Søknadsfrist 25. mai 2025

• Elektronisk søknadsskjema

• Søkjarlista vil bli offentleggjort

Kommunedirektøren