Leiar for NAV Tysnes
Tysnes kommune
Uggdalsvegen 301, 5685 Uggdal, Hybridkontor
Om jobben
Stillingstittel
Leiar for NAV Tysnes
Type ansettelse
Fast, heltid 100%
Arbeidsspråk
Norsk
Antall stillinger
1
Søk på jobben
Søk senest søndag 17. august
Ynskjer du ei spanande leiarstilling med eit meiningsfullt samfunnsoppdrag?
Til NAV-kontoret på Tysnes søkjer me ein tydeleg leiar med særleg blikk for gode relasjonar både internt i kontoret og til samarbeidspartar og næringsliv. Som leiar i NAV arbeidar du tillitsbasert med ein motiverande og inkluderande leiarstil.
NAV Tysnes er eit partnarskap mellom NAV Vestland og Tysnes kommune. Leiaren skal ha det faglege og administrative ansvaret, og den viktigaste oppgåva blir å sikre gode og heilskaplege tenester for einskildpersonar og næringsliv, og ivareta samfunnet sitt mål om størst mogleg yrkesdeltaking. Som leiar på eit lite NAV kontor vert du i tillegg til leiaroppgåvene del av tenesteproduksjonen ved kontoret. Samarbeid på tvers av kommunar vil framover bli avgjerande for å vidareutvikle tenestene og for å bli ein synleg og løysingsdyktig samfunnsaktør. I stillinga er det viktig med god rolleforståing i partsamarbeidet, og at du samarbeider tett med tillitsvalde og verneombod for å sikre eit godt arbeidsmiljø og medverknad i utviklinga av tenestene. LEAN vert nytta som metode i alt utviklingsarbeid i NAV.
Kontoret på Tysnes har i dag 6 tilsette. I tillegg til statlege tenester i NAV har NAV Tysnes ansvar for tenester heimla i lov om sosiale tenester i NAV og Flyktningtenesta. NAV leiar er kommunalt tilsett, men ivaretek leiaroppgåver både for stat og kommune. Leiar-delen av stillinga er definert til 60%. NAV leiar inngår i einingsleiargruppa til helse og omsorg i Tysnes kommune, og kommunalsjef for helse og omsorg er næraste leiar. NAV Tysnes er eit av seks kontor i NAV region Sunnhordland, og NAV leiar inngår i regionleiar si leiargruppe.
Arbeidsoppgåver
- Dagleg leiing av statlege og kommunalt tilsette
- Personalansvar, rekruttering og rettleiing av tilsette
- Budsjett-, økonomi- og driftsansvar for avdelingen
- Ivaretaking av medråderett i tråd med gjeldanda avtaleverk
- Sikre tidleg innsats for alle brukargrupper
- Brukarmøter og sakshandsaming
- Deltaking i regionale nettverk, og samarbeid internt og eksternt
Kvalifikasjonar
- Det er krav om relevant utdanning frå universitet/høgskule
- Leiarutdanning og/eller leiarerfaring er ønskjeleg
- Relevant erfaring kan kompensere for manglande utdanning
- Kunnskap om samfunnet og sterk interesse for arbeids- og velferdspolitikken
- Du må ha erfaring frå offentleg forvaltning og god kjennskap til tenesta
- Erfaring frå NAV er eit føremon
- Det er ønskjeleg med god økonomiforståing
- God digital kompetanse
- Førarkort kl B
Kva me ser etter hos deg
Me søkjer deg som:
- er tydeleg og trygg, med ei sterk evne til å sjå heilskapen og motivera andre
- har evna til å tenkja strategisk og innovativt, utfordra og tilpassa tenester og organisasjonen i takt med endringar i samfunnet
- vert driven av å skapa samanheng og utvikling, og har mot til å prioritera
- er ein samfunnsbyggar som er genuint oppteken av menneske og samhandling
- har god rolleforståing og evnar å ta avgjersler som balanserer mange omsyn
- har god munnleg og skriftleg framstillingsevne
Kor personleg eigna du er til stillinga vil bli vektlagt høgt i vår vurdering.
Kvifor skal du jobba hos oss?
Du blir leiar av ei avdeling med sterk eigarskap til ansvarsområda sine, utvikla tenestene saman med engasherte og kunnskapsrike medarbeidarar og høve til på gjera ein skilnad. Arbeidsdagane vil vera varierte og hektiske, men fyllt med arbeidsoppgåver innan eit viktig samfunnsoppdrag. Du blir del av kommunalsjef si leiargruppe, samt ein del av kommunedirektøren si utvida leiargruppe.
Du blir tilsett som einingsleiar med personal- og budsjett- og økonomiansvar. Stillinga ligg til lønskapittel 3.4.2, med løn etter avtale og årleg lønsregulering gjennom lokale forhandlingar. Det vert i tillegg gjeve 5 avtaledagar pr år, som kompensasjon for arbeid utanfor ordinær arbeidstid.
Tilsetjing hos oss gjer deg medlemskap i KLP - Kommunal Landspensjonskasse. Det betyr blant anna at du får ein av dei beste pensjonsordningane i Noreg, samt høve til å søkja om bustadlån med gunstige vilkår.
Me veit at mange ønskjer seg ein hybrid og fleksibel arbeidskvardag med høve til å veksla mellom å jobba heimafrå og møtast på kontoret. Me ønskjer fortrinnsvis at tilsette har sin arbeidsstad i arbeidsgjevar sine lokaler, for å sikra samstundes tilstedevære og godt samarbeid. Me kan likevel legga til rette for kombinasjon av heimekontor og fast kontorarbeidsplass når arbeidsoppgåvene tilseier at det let seg gjera.
Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa.
For at søknaden din skal bli vurdert ber me deg legga ved dokumentasjon på utdanning og arbeidserfaring, i form av vitnemål og tenestebevis/arbeidsattestar.
Mangfaldserklæring
Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.
Kontaktpersoner for stillingen
Om bedriften
Draumen om livet på landet finn du på Tysnes!
Tysnes er ein sentralt plassert øykommune sør for Bergen. Her finn du dei same tilboda som i andre omkringliggjande sentra utanfor Bergen. Om du spør oss: Verdas beste kommune å veksa opp i!
Når me tel med store og små, er me i dag omlag 2900 godlyndte innbyggjarar i Tysnes.
Kommunen er landfast med bru over Lukksund og har elles gode ferjeforbindingar mot nord og sør.
Tysnes kommune har ca. 330 tilsette innan helse- og omsorg, skule og barnehage, tekniske tenester og offentleg administrasjon. Me er opptekne av å skapa gode arbeidsplassar og gjere Tysnes til ein god stad å bu.
Sektor
Offentlig
Nettsted
Del annonsen
Annonsedata
Rapporter annonse- Stillingsnummer
2f22d2f3-8364-4dd6-91d4-169b4beef5a5
- Hentet fra
jobbnorge
- Referanse
10255797