100 % vikariat som fastlege på kommunal tilsetjing

Ønskjer du å jobbe som fastlege i ei bygd med fantastiske moglegheiter for friluftsliv på fjell eller fjord? Søk då vårt vikariat ved Vik legekontor! Me har no ledig 100% stilling som fastlege. Stillinga er ledig frå etter avtale til 28.02.27.

Vik legekontor er kommunalt drifta, godt utstyrt og bemanna med erfarne og stabile legar og helsepersonell. Legekontoret har 6 fastlegar og ei LIS1-stilling. Vik kommune er godkjend som utdanningsverksemd for spesialisering i allmennmedisin og legg godt til rette for ALIS-løp med individuell utdanningsplan, rettleiing og fagleg oppfølging.

Stillinga er for tida ikkje tildelt andre offentlege allmennlegeoppgåver i kommunen, men dette kan bli aktuelt (jf. forskrift om fastlegeordning i kommunane). Du vil i stillinga vera vikar for fastlege med eiga liste, samt delta i øyeblikkeleg hjelp konsultasjonar på dagtid og legevakt.

• Allmennpraksis
• Deltaking i legevakt
• Offentlege allmennlegeoppgåver etter avtale
• Kollegial fråværsdekning innad på legekontoret i ferie og anna fråvær

• Norsk autorisasjon som lege
• God norsk munnleg og skriftleg kompetanse
• Førarkort for bil

Ved tilsetjing vil ein leggje vekt på personlege eigenskapar og samarbeidsevne. 

• Fleksibel arbeidstid
• Varierte oppgåver med fokus på fagleg utvikling
• Dyktige kollegaer og godt tverrfagleg samarbeid
• Gode pensjons- og forsikringsordningar
• Hjelp til å skaffe bustad

• Fastløn eller løn etter avtale
• Tilrettelegging for spesialisering i allmennmedisin
• Kommunen har gode forsikrings- og pensjonsordningar
• Godt arbeidsmiljø, både fagleg og sosialt 

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Gyldig politiattest må leggast fram ved tilsetjing.  

Det er også ledig ei 100 % fast stilling som fastlege. 

Alle søknader på ledige stillingar i Vik kommune skal registrerast elektronisk. Me ber om at dokumentasjon på eventuell utdanning og erfaring blir lagt ved søknaden.

Dersom du treng hjelp med søknaden, kan du ta kontakt med tenestetorget på tlf. 57 69 82 00.