Hospitaldrift Transport er ei av einingane i Hospitaldrift som igjen er ein del av Drift/teknisk divisjon som består av hovudparten av sjukehuset sine ikkje-medisinske avdelingar. Vi utfører portørtenester, forsyningstenester, avfallshandtering og andre internetransporttenester for helseføretaket, og er ein viktig bidragsytar for god pasientflyt og logistikk for heile sjukehuset. Vi har om lag 120 medarbeidarar og er delt i tre seksjonar; Pasientportørteneste, Forsyningsteneste og Miljøhall- og varetransport. Vi er lærebedrift i logistikkfaget, portørfaget og gjenvinningsfaget, og satsar på utdanning av både lærlingar og fast tilsette.

Miljøhall- og varetransport er ein intern serviceseksjon med drift alle dagar i året. Våre hovudaktivitetar er avfallsinnsamling og sortering ved sjukehuset, samt transport av tøy, varer, medisinar og avfall mellom ulike lokasjonar innan helseføretaket. Vi utfører også flyttetenester. Miljøhallen er plassert i ein fjellhall bak sentralblokka og seksjonen består for tida av seksjonsleiar, 20 tilsette og ein lærling. Vi set trivsel på arbeidsplassen høgt og har eit kontinuerleg fokus på HMSK. 

Vi har behov for totalt 6 sommarvikarar i perioden frå og med veke 24/25 til og med veke 33. Etter sommarvikariat kan ein få vidare avtale som tilkallingsvikar. Stillingstittel vil i alle tilfelle vere "Fagarbeidar" eller "Portør" avhengig av kvalifikasjonar.

*  3 av vikariata er som sjåfør i perioden frå og med veke 25 til og med veke 33. Arbeidstida er i aktuell periode dagtidsarbeid måndag til fredag 07:00-14:30.

*  3 av vikariata er som Transport- og gjenvinningsoperatør i perioden frå og med veke 24 til og med veke 33. Arbeidstida er i aktuell periode turnus, med vakter på dag, kveld og helg. Dagvakter er 07:00-15:00 måndag til søndag, kveldsvakter 13:00-20:30 måndag til fredag.

Oppgåvene kan vere fysisk krevande. Vårt arbeidsspråk er norsk, og gode norskkunnskapar, skriftleg så vel som munnleg, er nødvendig.

Søknadsfrist settes til "Snarest". Innkomne søknader blir behandla fortløpande og aktuelle kandidatar blir innkalt til intervju.

Arbeidsoppgåver

Som sjåfør, jobbar du i hovudsak med sjåføroppgåver knytta til seksjonens bilar og oppdrag. (Komprimatorbil, skapbil med bakløfter og mindre varebilar) dette vil til dømes vere distribusjon av mat, tøy, medisin, forbruksmateriell, flyttegods, avfall og anna.

Som transport- og gjenvinningsarbeidar  vil du også ha oppgåver knyttet til seksjonens biler og oppdrag, med hovudvekt på innhenting av avfall. (Komprimatorbil, skapbil med bakløfter og varebiler). Du vil også jobbe med mottak og sortering av avfall i miljøhallen, handsaming av farlig avfall, truck-kjøring, papirmakulering og kunderettleiing.

Felles for alle vikariata er vask og vedlikehald, forefallande oppgåver, samt å ta del i alle seksjonens oppgåver ved behov.

Ønskelege kvalifikasjonar

• Førarkort kl. C og/eller C1. Klasse B er eit minstekrav, tyngre klasser vil bli proiritert
• Gyldig yrkessjåførkompetanse (YSKG)
• Truckførarbevis klasse T1 og T4 motvektstruck

Det oppfordrast til å søke sjølv om man manglar nokre av kvalifikasjonane.

Personlege eigenskapar

• Du er påliteleg, imøtekommande og løysingsorientert
• Du viser lagånd og jobbar for å gjere kvardagen enklare for dine omgivnadar
• Du arbeider sjølvstendig og samarbeider godt med andre
• Du er full av arbeidslyst og glede
• Du er serviceinnstilt og fleksibel
• Du er ein god kollega og bidrar aktivt til eit godt arbeidsmiljø
• Du har god arbeidskapasitet og løyser oppgåvene dine med overskudd

Vi tilbyr

• Lønn i samsvar med gjeldande overeinskomst
• Eit aktivt og triveleg arbeidsmiljø

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Erik Njaastad Bauge, Seksjonsleiar, 91395660

Arbeidsstad

Haukelandsveien 26 B
5009 Bergen

Nøkkelinformasjon:

Arbeidsgivar: Helse Bergen HF

Referansenr.: 4954838697
Stillingsprosent: 100%
Vikariat