Overingeniør/senioringeniør -  kjemikalieseksjonen

Om stillinga

Er du interessert i offentleg forvaltning og regulering av kjemikaliar? Vi ser etter deg som er motivert til å bidra både i forvaltningsprosessar og faglege vurderingar av biocid. Er du ein som liker å få ting gjort og finn glede i å løyse oppgåver på ein effektiv måte? Har du interesse for digitale verktøy og ønskjer å bruke desse til å jobbe smartare? Ønskjer du ei fast stilling innanfor eit spennande fagområde? Då bør du søkje!

Kjemikalieseksjonen er ein av åtte seksjonar i avdeling for Avfall, kjemikaliar og tilsyn i Miljødirektoratet. Seksjonen har blant anna ansvaret for EUs biocidregelverk og godkjenner biocidaktive stoff og biocidprodukt etter ei grundig vurdering. Biocid er kjemiske eller mikrobiologiske produkt som blir nytta til kamp mot uønskte organismar. Biocida kan vere skadelege for menneske og miljø, og må gjennom ei grundig risikovurdering før dei kan godkjennast for bruk.

Seksjonen har 16 dyktige medarbeidarar og held til på Helsfyr i Oslo. 

Dette er noko av det du vil jobbe med

• saksbehandling knytt til søknader om godkjenning av biocidprodukt
• rettleiing i biocidregelverket
• gjennomføring av endringar i den felleseuropeiske biocidforordninga 
• oppgåver knytte til forvaltning av biocidregelverket
• vurdering av biocids effektivitet, fysikalsk-kjemiske eller miljøtoksikologiske eigenskapar
• delta i dei andre oppgåvene til seksjonen og arbeid med andre kjemikalieregelverk ved behov

Kompetansekrav

For å lykkast i denne jobben  

• Har du utdanning på minimum bachelornivå innan naturvitskap, fortrinnsvis biologi eller kjemi. Nyutdanna blir oppmoda til å søkje stillinga. 
• interesse for offentleg forvaltning og kjemikalieregelverk
• svært god skriftleg formidlingsevne på norsk og engelsk

Det er ønskjeleg med:

• kjennskap til, eller har erfaring med EU/EØS-prosessar og relevant regelverk
• kjennskap til, eller har erfaring frå forvaltninga 
• digital kompetanse om effektivisering og automatisering av ulike prosessar 
• erfaring med bruk av kunstig intelligens 

er du ein som

• lærer du raskt og tek initiativ til å løyse oppgåver på ein effektiv måte
• jobbar du strukturert og ryddig, og leverer gode resultat til avtalt tid
• er du open for endringar og har fokus på forbetringar og løysingar 
• er du positiv, viser engasjement og er god til å samarbeide med andre

Personlege eigenskapar vil bli vektlagde.

Vi tilbyr

• Fast stilling med lønn som overingeniør/senioringeniør frå kr. 580 000 - kr 740 000 etter erfaring og kvalifikasjonar. Særskilt kvalifiserte søkjarar kan vurderast høgare.
• utfordrande arbeidsoppgåver på eit viktig samfunnsområde 
• gode moglegheiter for fagleg og personleg utvikling
• eit breitt tilbod av sosiale, kulturelle og sportslege aktivitetar - inkludert trening i arbeidstida
• fleksible arbeidstidsordningar og gode pensjons- og bustadlånsordningar i Statens pensjonskasse 
• moglegheit for avtale om heimekontor inntil 2 dagar i veka
• nyoppussa kontorlokale på Helsfyr og kantine med høg kvalitet

Har du spørsmål?

Kontaktperson for stillinga er seksjonsleiar Anne Line Filtvedt, tlf. 932 89 568 eller e-post: anne.line.filtvedt@miljodir.no

Ved førespurnader, oppgi referansenummer 22-2026 AKS

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa vår.