Familierettleiar/miljøterapeut 100% fast

Eining Barn og familie er ei av 21 einingar i sektor oppvekst. Eininga er delt opp i seks avdelingar; barnevern, PPT, helsestasjon, avdeling Familiestøtte, Villatoppen avlastningsbustad og Butiltak barn og unge. Eininga held til på Husnes tenestesenter. 

Omtale av stillinga 

Barneverntenesta i Kvinnherad har ledig 100% fast stilling som familierettleiar/miljøterapeut for snarleg tilsetting.  

Barnevernstenesta er organisert i eining Barn og familie. Barnevernstenesta er i dag inndelt i team; undersøking, oppfølging og omsorg. Vi har 18 tilsette og barnevernleiar. Kommunen har barnevernvaktordning, der tilsette går inn i vaktordninga. Barneverntenesta er stadig i utvikling og endring, og dersom du blir tilsett hos oss kan vi love deg ein spennande arbeidskvardag med gode moglegheiter for fagleg utvikling. Vi er ei teneste med et godt arbeidsmiljø og brei fagleg kompetanse. Dette bidreg til fokus på å levere gode, faglege tenester og hjelpetiltak. Tilsette får opplæring i samtalar med barn.  

Arbeidsoppgåver 

Familierettleiar/miljøterapeut sine viktigaste arbeidsoppgåver er 

• Kontakt og oppfølging med familiar 
• Rettleiing og praktisk hjelp i forhold til dagleg rutinar 
• Miljøretta arbeid mot barn og ungdom 
• Tilsyn i heimar/ heimebesøk 
• Dokumentasjon og rapportskriving 
• Delta i barnevernvaktordning   

Kvalifikasjonar 

3-årig sosialfagleg høgskuleutdanning, men andre med relevant høgskuleutdanning kan og søkja. Kunnskap om barnevernfag og lovverk vil vere eit fortrinn.  

Det er ønskjeleg med relevant vidareutdanning innanfor fagområda familieterapi, rettleiingsmetodikk eller psykisk helsearbeid for barn og unge.  

Arbeidstid 

Arbeidstid er 35,5 t/v med arbeidshelg kvar 4. helg, i tillegg til ettermiddag/kveld. Den tilsette får vere med og påverke arbeidsplan.  

Personlege eigenskapar 

Ved tilsetjing vert det lagt vekt på personlege eigenskapar; 

• Evne til å støtte og motivere til endring  
• God samarbeidsevne, god kommunikasjon og relasjonsbyggjar  
• Relevant praksiserfaring  
• At ein er eigna for og har erfaring frå arbeid med ungdom og deira familiar  
• Evne til å arbeide sjølvstendig, målretta og strukturert 
• Gode norskkunnskapar 
• Har god skriftleg og munnleg framstillingsevne  
• Erfaring med, og evne til tverrfagleg samarbeid.  
• Evne og vilje til å sjå etter løysingar og vere nytenkjande med fleksibilitet og endringsvilje   

Den som vert tilsett må ha sertifikat og disponere bil. Eininga har i tillegg bilar til disposisjon. 

Vi tilbyr 

• Utfordrande og varierte arbeidsoppgåver 
• Tilsetjing skjer etter gjeldande vilkår for kommunale arbeidstakarar i samsvar med HTA og AML 
• Pensjonsordning, ulykkes- og gruppelivsforsikring gjennom KLP 
• Gode arbeidstilhøve i eit godt arbeidsmiljø 
• Dekning av flytteutgifter etter nærare reglar 
• Bur du i Kvinnherad og er i jobb, kan du etter eitt år få sletta 25 000 kroner av studielånet 
• Ingen eigedomsskatt pr idag for hus, hytter og næring 
• Gratis SFO og søskenmoderasjon i barnehagen  

 Det er krav om gyldig politiattest før du tiltrer i stillinga. Kravet er heimla i lov om barnevern § 12-11, opplæringslova § 17-11, lov om barnehagar § 30, Helsepersonellova § 20 og helse- og omsorgstjenesteloven § 5-4.