Serviceinnstilt rådgjevar/seniorrådgjevar til forkontoret for politisk og administrativ leiing 

Ønskjer du å arbeide hos oss i Helse- og omsorgsdepartementet?

Vil du vere med å bidra til utvikling og fagleg høg kvalitet innan område som er svært viktige for samfunnet, og vere med på å bidra til at befolkninga får gode og likeverdige helse- og omsorgstenester? Då kan dette vere jobben for deg!

Om stillinga

Har du lyst til å jobbe tett på prosessane i skjeringspunktet mellom politikk og forvalting? Vil du vere med og leggje best mogeleg til rette for politisk og administrativ leiing i Helse- og omsorgsdepartementet? 

Forkontoret til politisk leiing og departementsråden har fire medarbeidarar som har det overordna ansvaret for administrativ koordinering og planlegging av det politisk og administrativ leiing gjer.

Forkontoret samarbeider med alle avdelingar i departementet, har tett kontakt med Stortinget, Statsministerkontoret og andre departement for å koordinere og leggje til rette for leiinga.  Arbeidet omfattar varierte sekretær- og sakshandsamingsoppgåver, herunder førebuing til regjeringskonferansar, statsråd m.m.

Det er no ledig ei fast stilling som rådgjevar/seniorådgjevar ved forkontoret i Helse- og omsorgsdepartementet. Hovudoppgåvene som ligg til denne stillinga, er å sørgje for at den daglege arbeidssituasjonen for leiinga blir godt vareteken gjennom god og effektiv leiarstøtte. Forkontoret i statsrådseksjonen skal vere eit lite og tett team som samarbeider godt og dekker opp for kvarande ved behov. Noko overtid og vaktturnus på kveldstid må påreknast.

Arbeidsoppgåver

• Planleggje og koordinere avtaler, møte og besøk
• Kontakt med interne og eksterne aktørar
• Bidra til god og rask informasjonsflyt i departementet, herunder administrativ tilrettelegging av saker
• Enklare sakshandsaming
• Andre oppgåver innanfor ansvarsområdet ved forkontoret

Kvalifikasjonar og eigenskapar

KvalifikasjonarDu må ha:

• Helst høgare utdanning/bachelorgrad, og relevant erfaring frå leiarstøttefunksjonar
• Vidaregåande utdanning kombinert med relevant realkompetanse kan kompensere for utdanningskravet
• Erfaring som sekretær, gjerne frå ei større verksemd
• God skriftleg og munnleg framstillingsevne på norsk og engelsk
• God kompetanse i bruk av IKT-verktøy
   
• Til stilling som rådgjevar krev vi som hovudregel 3 år relevant erfaring, og som hovudregel minimum 6 år til stilling som seniorrådgjevar
   
• Du må kunne tryggingsklarerast på nivå hemmeleg 
   
• Erfaring frå offentleg sektor er ein føremon

Personlege egenskapar

• Du tek initiativ og arbeider sjølvstendig
• Du er grundig og nøyaktig
• Du må vere fleksibel og arbeide effektivt under tidspress
• Du må ha gode samarbeidsevner og serviceinnstilling

• Du er raus og omgjengeleg

   

Vi legg vekt på personlege eigenskapar som gjer nettopp deg skikka til stillinga. 

Mangfald og inkludering i Helse- og omsorgsdepartementet 

Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.

Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen

Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.

Vi tilbyr

• Ei spennande stilling i kjernen av departementet
• Varierte og spennande arbeidsoppgåver
• Fleksibel arbeidstid og høve til trening i arbeidstida
• God pensjonsordning gjennom Statens pensjonskasse
• Godt arbeidsmiljø og trivelege kollegaer

Les meir om å jobbe hos HOD her: Jobbe i Helse- og omsorgsdepartementet

Vi er underlagde lov- og avtaleverk som sikrar dei tilsette ryddige arbeids- og tenesteforhold.

Den som vert tilsett må kunne autoriserast for behandling av informasjon gradert BEGRENSA eller høgare etter sikkerheitslova.

Løn:

kr 640 000 - 850 000 avhengig av kvalifikasjonar og erfaring. For særleg kvalifiserte søkjarar kan vi vurdere høgare løn.

 

2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.

Bakgrunnssjekk

HOD samarbeider med Semac for bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar, og innebærerat me verifiserer CV og annan søknadsdokumentasjon i samband med tilsetjinga.

Slik søkjer du

Send søknad elektronisk via lenka "Søk stillinga" nedst på sida til JobbNorge.no.

 

Legg ved vitnemål og eventuelle attestar, og legg inn opplysningar til din CV.  

Alle dine personopplysningar vert tatt vare på i samsvar med GDPR.    

 

Unntak fra offentlig søkerliste  

I samsvar med offentleglova § 25 gjer vi merksam på at opplysningar om søkjaren kan bli offentleggjort, sjølv om søkjaren har bede om ikkje å bli ført opp på søkjarlista.