Tilkallingsvikarar til Avdeling for Rusmedisin (AFR)

Bemanningssenteret er Helse Bergen sitt eige vikarbyrå og formidlar personell til heile føretaket. Aktuelle kandidatar vil bli tilsett via Bemanningssenteret, men vil gå vakter ved Avdeling for Rusmedisin (AFR).

Avdeling for rusmedisin består av fem døgnseksjonar, ein seksjon for forsking, ein LAR seksjon, ein ambulant seksjon og to poliklinikkar. AFR tilbyr behandling og oppfølging til menneske med rus- og avhengigheitslidingar og satsar også sterkt på forsking og kvalitetsutvikling innan rushelsetenesta. AFR har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år. 

Her kan du lese meir om AFR

Vi treng tilkallingsvikarar som kan ta vakter ved;

*  Dr. Martens, Tvangspost og Korttidspost
*  LAR, ulike lokasjonar
*  Seksjon Tertnes
*  Seksjon Askøy
*  Engenhuset, Korttidspost 
*  Floen

Vi søker etter tilkallingsvikarar, gjerne sjukepleiar, vernepleiar, helsefagarbeidar med autorisasjon, men og andre med erfaring innan rusfeltet til å ta vakter ved ulike einingar i AFR. Oppgi gjerne i søknaden kor du ønsker å ta vakter. 

Arbeidsoppgåver

• Du vil inngå i drifta ved avdelinga
• Du vil delta i eit tverrfagleg samarbeid om å gi pasientar og pårørande eit best mogleg opphald på avdelinga
• Pasientrelaterte miljøretta oppgåver og praktiske gjeremål

Kvalifikasjonar

• Sjukepleiar, vernepleiar og helsefagarbeidar/hjelpepleiar må ha norsk autorisasjon
• Student i helsefagleg løp
• Oppgåvene er varierte, og inneheld både tradisjonelle sjuke- og vernepleiaroppgåver, samt miljøterapeutiske oppgåver. Ein arbeidsdag kan bestå av alt frå mottak av nye pasientar, tillaging av medisinar, kartlegging og medisinsk oppfølging, støttesamtalar, pårørandearbeid og ulike aktivitetar med pasientane
• Erfaring frå arbeid innan rus/psykiatri
• Søkar må vere over 21 år 
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad 

Personlege eigenskapar

• Du er opptatt av at pasientane skal føle seg trygg på at dei får god pleie, respekt og omsorg medan dei er på sjukehuset
• Du har god arbeidsmoral, er opptatt av kvalitet i arbeidet og er fagleg engasjert
• Du har evne til å observere og rapportere endringar hjå pasientane, du er tilpassingsdyktig og taklar stressande situasjonar  
• Du må ønske og evne å motta rettleiing 
• Det blir lagt vekt på at ein er personleg eigna for å jobbe med pasientgruppa

Vi tilbyr

• Høgt fagleg nivå
• Godt arbeidsmiljø
• Lønn i henhald til gjeldande overeinskomst 

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Wenche Antonsen Larsen, Bemanningssenteret, wenche.antonsen.larsen@helse-bergen.no
Karina Vorland Løvstad, Seksjonsleiar Trainee- og helsepersonell psykiatri og rus, Bemanningssenteret, karina.vorland.lovstad@helse-bergen.no

Arbeidsstad

Hatleveien 7D
5038 Bergen

Nøkkelinformasjon:

Arbeidsgivar: Helse Bergen HF

Referansenr.: 5051961921
Stillingsprosent: 0%
Anna
Søknadsfrist: 29.12.2025