Ledig stilling som konstituert statsadvokat for inntil 3 års varighet 

Om Hordaland, Sogn og Fjordane statsadvokatmebeter

Hordaland, Sogn og Fjordane statsadvokatembete har kontorstad i Markeveien 4c i Bergen sentrum. Embetet har 16 tilsette. Embetsleiar, 9 statsadvokatar, kontorsjef og ytterlegare 5 administrativt tilsette. Embetskrinsen er samanfallande med Vest politidistrikts dekningsområde, om lag heile Vestland fylke. Embetet fører aktorater hovedsakleg i Hordaland tingrett, Sogn og Fjordane tingrett, Gulating lagmannsrett, Høgsterett, men det kan vera aktorater i alle andre rettskrinsar i landet.

I samband med fagleiing av og tilsyn med politiets straffesakshandsaming, som er ein stadig aukande del av statsadvokatanes oppgaveportefølje, må ein rekne med kurs-, opplærings- og tilsynsaktivitet særleg i Vest politidistrikt. Som eit ledd i stadig meir distriktsovergripande samarbeid mellom statsadvokatembeta, vil likevel denne type aktivitet kunne skje i alle landets politidistrikt.

Om stillingen

Arbeidsoppgåvene er allsidige og vil blant anna omfatta aktorering, fagleiing, deltaking i arbeidsgrupper, utarbeiding av styringsdokument, høyringar og representasjon av embetet i ulike fora.

Søkjarar må ha juridisk embetseksamen eller master i rettsvitenskap, og det er høge krav til fagleg dyktigheit, samarbeidsevne, integritet og utviklingsorientering. Vidare krevst det at den som blir tilsett taklar høgt tempo og har evne til raskt å setja seg inn i nye problemstillingar.

Erfaring fra straffesakspleien er ein fordel. Ein ber opplyst om søkjar meistrar begge målføre.

Den som blir tilsett må finna seg i dei føresegner som måtte bli treft med omsyn til eventuelle endringar i embetskrinsane og dei endringar i arbeidsoppgåver og ansvar som måtte følgje av slike. 

Tilfredsstillande vandel er ein føresetnad og ein må kunne bli tryggleiksklarert for "Hemmeleg". Den som vert tilsett må vera norsk statsborgar.

CV, attestar og vitnemål skal følgje søknaden. Søkjarar vil bli ført opp på offentleg søkjarliste.

Tiltreding etter avtale.
 

Vi tilbyr

• stilling som konstituert statsadvokat blir løna frå kr 1 080 000 til  kr 1 220 000 pr. år
• medlemskap i Statens pensjonskasse, med blant anna gode pensjons- og forsikringsordningar (www.spk.no)
• fleksible arbeidstidsordningar

Spørsmål om embetet kan rettast til embetsleiar Eirik Stolt-Nielsen, telefon 954 38 353.

Opplysningar om deg kan blir offentleggjort sjølv om du har bede om å ikkje bli ført opp på søkjarlista. Dersom oppmodinga ikkje blir tatt til følgje, vil du bli varsla om dette.

Søknad blir send elektronisk via www.Jobbnorge.no

Inkludering og mangfold er viktig for Den høgare påtalemakta. Dersom det er kvalifiserte søkjarar med funksjonsnedsetting, hol i CV eller innvandrarbakgrunn, skal me innkalla minst éin søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål. Dersom du har funksjonsnedsetting, hol i CV eller innvandrerbakgrunn oppmodar vi deg til å krysse av for dette i vår rekrutteringsportal. Avkrysningane danner grunnlag for anonymisert statistikk som alle statlege verksemder rapporterer i sine årsrapport.

Du kan lesa meir om arbeidsgjevarportalen https://arbeidsgiver.difi.no/positivsaerbehandling.