Off. godkjent sjukepleiar, vikariat

Heimetenesten i Ørsta sentrum har ledig 3 x100 % foreldrepermisjonsvikariat for off. godkjent sjukepleiar for perioden 01.07.25 - 01.09.26 med moglegheit for forlenging. 

Vi søkjer derfor etter sjukepleiar som er fagleg engasjert, handlingskraftig og ønsker å bidra i utviklinga av tenestene våre, tilpassa samfunnsutviklinga og framtida sine tenestebehov. Vi har mange ulike arbeidsoppgåver og dagane er varierte. Vi gir rettleiing og hjelp til heimebuande som på grunn av sjukdom, skade, funksjonssvikt eller av aldersmessige årsaker har behov for naudsynt helsehjelp. Her har du god moglegheit til å utvikle deg fagleg. Du må kunne jobbe sjølvstendig i ein hektisk kvardag, men får dyktige kollegaer i sjukepleiarteamet. 

Vi har fokus på å støtte opp under brukar sine eigne ressursar for å kunne leve eit mest mogleg sjølvstendig liv. Tenesten er mottak for varsel knytt til all velferdsteknologi som er i bruk (t.d. tryggleiksalarmar, medisindispensar, døralarm, roommate). I drift nyttar ein digital arbeidsliste.

Vi sikrar fagkompetanse gjennom døgnet og året med oppgåvedeling og årsplanlegging. Du kan få jobbe langvakter både på  helg og i vekene. Det bidreg til kontinuitet i drift og større fagleg dekning ved kvar vakt. Det vil gi deg ein meir fleksibel turnusplan. 

Arbeidsoppgåver

• Utøving av helsetenester til mottakarar av heimetenester
• Sjukepleiefaglege oppgåver
• Fokus på forebygging og støtte opp under brukar sine eigne ressursar
• Dokumentasjon av observasjonar, målingar og pleie i forhold til lov og forskrift   
• Samhandle med brukar, pårørande og andre samarbeidspartar
• Oppfølging og implementering av interne rutine og retningslinjer
• Vegleiing og opplæring av medarbeidarar

Kvalifikasjonar

• Søkjaren må vere off. godkjent sjukepleiar
• Relevant arbeidserfaring er ein fordel
• Du må kunne nytte digitale fagsystem og velferdsteknologiske løysingar
• Evne til skriftleg og munnleg framstilling. Kommunen nyttar nynorsk i all skriftleg kommunikasjon.
• Du må ha førarkort klasse B  
• Det vert stilt krav om gyldig politiattest ved tilsetjing  

Personlege eigenskapar

• Du må ha eit ønske om å gjere ein god jobb i arbeid med menneske
• Du er engasjert, løysingsorientert, tek initiativ og ansvar  
• Er fleksibel og har evne til å arbeide sjølvstendig og saman med andre
• Du trivast i eit aktivt og til tider travelt miljø der du må kunne omstille deg raskt
• Søkjer faglege utfordringar
• Har godt humør og bidreg til eit positivt arbeidsmiljø 

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju.  

Vi tilbyr

• Vi kan tilby eit godt arbeidsmiljø med engasjerte, dyktige og stolte medarbeidarar
• Gode pensjons- og forsikringsordningar i KLP

Arbeidsvilkår: Dag/kveld inkl. helg 

Stillinga er plassert i HTA kap. 4 GR2  - stillingar med krav om høgskuleutdanning
Stillingskode 7174 - Sjukepleiar

Tilsetjing i samsvar med gjeldande lov-, forskrift og avtaleverk  

Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid.  

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål scannast og lastast opp som vedlegg til søknaden din. 

Om offentleglova 
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Nina Ulstein, Avd.leiar heimetenester vest, 953 60 759, nina.ulstein@orsta.kommune.no
Sigrun Halkjelsvik, Tenesteleiar Heimetenester, 48010415, sigrun.halkjelsvik@orsta.kommune.no

Arbeidsstad

Dalevegen 28a
6153 Ørsta

Nøkkelinformasjon:

Arbeidsgivar: Ørsta kommune

Referansenr.: 4962232591
Stillingsprosent: 100%
Vikar
Søknadsfrist: 31.05.2025