Paramedisinar/ambulansearbeidar

Vi vil gjerne ha deg med på vårt lag !

Seksjon Volda har ledig stilling. 

Vi er ein seksjon med stadig nye utfordringar, godt arbeidsmiljø, hyggelege og engasjerte kollegaer med tydeleg fokus på best mogleg pasientbehandling.

Klinikk for prehospitale tenester i Helse Møre og Romsdal HF organiserer den prehospitale aktiviteten i fylket. Bil -, båt - og luftambulanse, akuttmedisinsk kommunikasjonssentral (AMK/113), samt pasientreiser.

Ved intern omrokkering kan stillingsprosent ved annan seksjon bli tilbydd, eller øvrig stilling/vikariat kan bli ledig. Skriv gjerne i søknadsteksten dersom du er interessert i vikariat. Det må også påreknast arbeid ved andre stasjonar.

Er dette noko for deg, er du velkommen som søkjar på stillinga.

Arbeidsoppgåver

• Utføre ambulanse- og redningsoppdrag
  
• Vi ynskjer at du er fagleg engasjert og ansvarsbevisst, har pågangsmot og likar utfordringar
  
• Du har evne til å inspirere og motivere, og har gode samarbeidsevner
  
• Delta på undervisning og sertifiseringar
  
• Påta seg dei faglege delegeringane som krevst
  
• Interne arbeidsoppgåver
  
• Utøve arbeidet i tråd med lover, forskrifter, prosedyrer og interne reglement som gjeld for føretaket

Kvalifikasjonar

• Autorisasjon som ambulansearbeidar/ autorisasjon som paramedisinar
  
• Søkjarar med prehospital utdanning frå utlandet og med norsk autorisasjon som ambulansearbeidar vil bli vurdert
  
• Ha gjennomført og bestått utrykningskurs og ha dokumentert kompetansebevis for utrykningsførar (kode 160)
  
• Ha førarkort klasse C1
  
• Farmakologiutdanning tilsvarande 5 stp. på høgskulenivå
  
• Delta og bestå sertifisering trinn 2 etter program i kompetanseplanen for ambulansetenesta i Midt-Norge
  
• Ønskjeleg med gjennomført paramedic-utdanning, eller vere villig til å fullføre slik utdanning
  
• Bestått AMLS/PHTLS etter program i kompetanseplanen for ambulansetenesta i Midt-Norge
  
• Politiattest krevst før tilsetting i stillinga, etter lov om helsepersonell §20a
  
• Vere psykisk og fysisk eigna, bestå fysisk test før tilsetting. Fysisk test vil bli gjennomført årleg i samband med resertifisering

Personlege eigenskapar

• Du har tydeleg og respektfull kommunikasjon med pasientar og kollegaer
  
• Du har evne til å gjere riktige prioriteringar i nødsituasjonar
  
• Du er flink til å motivere, og har ein indre motivasjon for stillinga og oppgåvene som er knytt til den
  
• Du er tilpasningsdyktig og fleksibel
  
• Du har gode datakunnskapar
  
• Du har gode samarbeidsevner, og er ein konstruktiv bidragsytar i eit tverrfagleg arbeidsmiljø
  
• Du har god norsk munnleg og skriftleg framstillingsevne

Personleg eignaheit vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her- Og her

Kontaktinformasjon

Linda Håskjold, Seksjonsleiar, Linda.Jeanette.Haskjold@helse-mr.no

Arbeidssted

Torvmyrane 11
6160 Hovdebygda

Nøkkelinformasjon:

Arbeidsgiver: Helse Møre og Romsdal HF

Referansenr.: 4960229700
Stillingsprosent: 100%
Fast
Startdato: 01.09.2025
Søknadsfrist: 21.05.2025