Koordinator for Vikarpool barnehage

Om stillinga

Dei fem kommunale barnehagane våre har ein vikarpool med 10 fast tilsette i heile stillingar og ein koordinator i 40 % fast stilling. Dette har vore ei svært vellukka ordning. Dyktige vikarar har bidrege til stabil og god drift i barnehagane, og no søkjer vi ein ny koordinator når vår noverande går vidare til andre oppgåver i kommunen.

Som koordinator får du ei sentral rolle i arbeidet med å sikre rett bemanning til rett tid, og du vil ha tett samarbeid med våre dyktige styrarar. Du blir næraste leiar for dei 10 fast tilsette i vikarpoolen, med ansvar for personaloppfølging, og du vil også arbeide aktivt med rekruttering og oppfølging av ringevikarar. Når det er jobb- og utdanningsmesser er det ein flott mulighet til å snakke varmt om Osterøy-barnehagane.

Vi er fleksibel på korleis dei 40% blir fordelt i løpet av ei veke og heimekontor er muleg. Det finn vi ut av saman. Kommunen har 6 månaders prøvetid for nytilsette.

Arbeidsoppgåver

Koordinatoren har ansvar for å:

• ha løpande dialog med styrarane om bemanningsbehov i barnehagane
• fordele jobboppdrag til tilsette i vikarpoolen og til ringevikarar
• følgje opp dei fast tilsette i vikarpoolen som næraste leiar
• rekruttere og følgje opp ringevikarar
• bidra til god planlegging, struktur og oversikt i den daglege drifta

Vi tilbyr

• ei viktig og meiningsfull rolle i barnehagesektoren
• ein fleksibel arbeidskvardag
• moglegheit for heimekontor

• fleksibilitet i korleis 40 % stilling blir fordelt over fleire dagar

  Det er ønskjeleg at stillinga blir lagt slik at du arbeider kvar fredag, for å kunne kommunisere ut oppdrag for neste veke, men det kan vere rom for tilpassing.

Kvalifikasjonskrav

• ha erfaring frå barnehagedrift og/eller bemanningsplanlegging
• kommuniserer tydeleg og godt med ulike menneske
• er sjølvstendig, men også god til å samarbeide
• er strukturert, arbeider systematisk og løsningsfokusert
• har god oversikt, også når det skjer mykje samtidig
• trivst med å koordinere, planleggje og finne gode løysingar
• stillinga krev at du legg fram gyldig politiattest som ikkje er eldre enn 3 md ved oppstart i stilling, jf barnehagelova §30.

Kven er du?

Du må like å arbeide sjølvstendig, å diskutere ulike løysingar og kunne ta beslutningar. Du vert motivert av å få folk på rett plass til rett tid og bidra til god drift i barnehagane. 

Vi ser fram til å høyre frå deg!

Offentleg tenestepensjon

 I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut! 

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg!