Kulturskulelærar Kunstfag deltid 20%

Time kulturskule skal tilsette kunstfaglærar i 20% fast delstilling. Arbeidsinnhald er undervisning av kunstfag-grupper med elevar i ulik alder.
Me søkjer deg som ivrar for kunstfagleg opplæring og som vil vera del av lærarkollegiet i ein attraktiv, framtidsretta og aktiv kulturskule. 
Time kulturskule har 20 tilsette og om lag 720 aktive elevplassar. 
Skulen tilbyr allsidig undervisning innan dei fem fagområda musikk, dans, drama, kunstfag og skapande skriving. Nokre av lærarane har del-stilling for kunstnarisk utøving med formidlingstilbod til institusjonar og prosjektbasert undervisning i barnehage og grunnskule. Vi har regionalt nettverk med kulturskular i nabokommunane. Kunstfag har etablert samarbeid med Bryne kunstforening.
Kulturskulen sin base ligg sentralt og nært Bryne sentrum/Bryne togstasjon. Me har samlokalisering med Bryne skule om undervisningsrom og aula, og hovudvekta av den faste undervisninga skjer her. Kunstfag har noko desentralisert undervisning på Frøyland skule.
Me har nært samarbeid med lokalt kulturliv, helseinstitusjonar, grunnskule og barnehage. Det er ei viktig målsetting å vera synlege i lokalsamfunnet og elevane skal læra, utøva og oppleva gjennom dei estetiske faga. Kulturskulen forvalter eit viktig samfunnsoppdrag og tilbyr opplæring av høg kvalitet. 
Time kulturskule arbeider etter "Rammeplan for kulturskulen - Kulturskule for alle" og har i tillegg lokale fagplanar. Undervisningsplattformen har fokus på "eleven som glødande punkt" og Vurdering for læring. Vår felles verdiplattform består av "kunstnarisk kompetanse og kreativitet, engasjement, samarbeid, ansvar, trivsel og respekt". 
Kulturskulen i Time har tidlegare hatt nasjonal status som Demonstrasjonskulturskule. I dag er skulen eit etablert ressurssenter og ein samhandlande organisasjon for kunst- og kultur i lokalsamfunnet. Vi arbeider etter visjonar for "Framtidas kulturskule i framtidas kommune".   

Arbeidsoppgåver

Den nye kunstfaglæraren skal vera del av Time kulturskule sitt faste lærarkollegie og faglege fellesskap. Me ønskjer at du:

• Behersker å undervise i ulike kunstfaglege teknikkar og materialbruk
• Har erfaring med gruppeundervisning
• Er fleksibel til å kunne tilby supplerande undervisningsopplegg for prosjektarbeid
• Deltek aktivt i kollegasamarbeid i kulturskulen sin kunstfagseksjon
• Deltek aktivt i kulturskulen si personalgruppe
• Underviser i samsvar med "Rammeplan for kulturskulen - Kulturskule for alle" og lokal fagplan, utarbeider årsplan for eigne elevgrupper
• Arbeider for kvalitet, mangfald, inkludering og samhandling
• Arbeider etter felles nedfelt visjon, målsetting og verdiplakat 

Kvalifikasjonar

Time kulturskule har eit høgt utdanna og dedikert personale. Det er ønskjeleg at vår nye kunstlærar har følgjande kvalifikasjonar:

• Høgskule/universitetsutdanning med kunstfag som fagområde, bachleor- eller masternivå
• Utdanning m/integrert- eller tilleggsfag innan pedagogikk/metodikk/PPU
• God kompetanse som utøvande kunstnar 
• Har erfaring frå undervisning i kulturskule, eller anna relevant undervisningspraksis
• Beherskar undervisning på ulike nivå, frå nybegynnar til vidarekomne elevar i gruppe
• Evner å by på deg sjølv i eit kollegafellesskap
• God munnleg og skriftleg norskkompetanse, minimum B1-nivå
• Utdanning frå utlandet må vera HKdir-godkjend (ev. tidlegare godkjenning frå NOKUT) 
  

Du må laste opp relevante vitnemål og arbeidsattestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

Time kulturskule søkjer deg:

• Som har gode kunstnariske og pedagogiske ferdigheiter
• Som kan legga til rette for god læring og meistring
  
• Som trivst i lag med barn og ungdom
  
• Som med fagleg dyktigheit har evne til å sjå den enkelte elev individuelt og i gruppesamanheng
  
• Som er samhandlande og samtidig tek ansvar for sjølvstendige arbeidsoppgåver
  
• Som har gode samarbeidsevner og kan bidra positivt i eit kollegialt jobbfellesskap
• Som evner å ta initiativ, engasjere deg, koma med innspel og bidra til utvikling og nyskaping
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsettingsprosessen
• Lovkrav om gyldig politiattest etter opplæringslova § 17-11 jf politiregissterlova §39 fyrste ledd, denne må framleggast før tiltreding
  

Vi tilbyr

• Eit godt, triveleg og levande arbeidsmiljø
• Kollegie med høgt kvalifiserde lærarar innan ulike kunstnariske fag 
• Arbeidsfellesskap som er opptatt av å finne gode løysingar og å gjera kvarandre gode
• Aktivitet med prosjekt, opptredenar og utadretta verksemd for både elevar og lærarar
• Variert og allsidig arbeidsinnhald, sjølvstendig og samhandlande arbeidsform
• Lønn etter gjeldande tariff for kulturskulelærarar
• Gode pensjonsordningar

Kontaktinformasjon

Guri Årsvoll, Rektor

Arbeidsstad

Ola Barkveds veg 16
4340 BRYNE

Nøkkelinformasjon:

Arbeidsgivar: Time kommune

Referansenr.: 5100539780
Stillingsprosent: 20%
Fast
Startdato: 01.08.2026
Søknadsfrist: 08.04.2026