Brenn du for å gjera ein skilnad for barn og unge? Då kan Undarheim skule (Husnes barneskule) vera den rette staden for deg!

Me søkjer no etter ein engasjert lærar i 100% fast stilling frå hausten 2025. Du som søkjer, ønskjer å skapa eit trygt, inkluderande og stimulerande læringsmiljø, og ser verdien av å samarbeida tett med både elevar, kollegaer og føresette.

Undarheim skule er ein barneskule med om lag 200 elevar og ei elevgruppe som speglar mangfald – hos oss er om lag 15 nasjonar representerte.

Me har eit godt arbeidsmiljø, der om lag 40 dedikerte og hyggelege tilsette jobbar saman for å skapa eit trygt, inkluderande og utviklande skulemiljø. Hos oss vert du sett, høyrt og oppmuntra – og du får bidra til noko som betyr noko, kvar einaste dag.

Våren 2026 flyttar me inn i eit heilt nytt skulebygg og blir Husnes barneskule – og det er me stolte av. Bygget er teikna i tett samarbeid med dei tilsette, og vil innehalda: lydstudio, skaparverkstad, amfi og fleksible undervisningsrom. Det er også moderne og gode arbeidsrom for dei tilsette.

Skulen får eit innbydande uteområde og ligg tett ved flotte turområde – og ikkje minst: vegg i vegg med Kvinnherad Arena, ein ny fleirbrukshall med klatrevegg, trampolinar og mange aktivitetsmoglegheiter.

• Undervisa i ulike fag i grunnskulen
• Klasseleiing og relasjonsbygging
• Kontaktlæraransvar kan vere aktuelt
• Bidra i skulen sitt pedagogiske utviklingsarbeid
• Samarbeid med føresette og andre samarbeidspartnarar (utviklingssamtalar, foreldremøte m.m.)
• Skape og vedlikehalda eit trygt, inkluderande og læringsfremjande miljø

• Godkjend og relevant pedagogisk utdanning for arbeid i grunnskulen
• Ønske om ein av følgjande:
• GLU 1-7
• GLU 5-10
• Allmennlærarutdanning

• Tydeleg og trygg klasseleiar
• Strukturert, sjølvstendig og systematisk
• Utviklingsorientert og lærevillig
• Gode samarbeidsevner og relasjonell tryggleik
• Positiv, løysingsorientert og bidragsytar til eit godt arbeidsmiljø

Personlege eigenskapar vert vektlagde ved tilsetjing.

Kvinnherad kommune er først i landet med gratis SFO, og tilbyr støtte til flytting etter avtale. Her får du høve til å bu og arbeida i eit område rikt på fjell, fjord, klatring, turar og naturopplevingar – og eit lokalsamfunn der folk kjenner kvarandre og trivst.

Då vil me gjerne høyra frå deg!
Send inn søknad – og bli med på reisa vidare mot framtidas Undarheim skule (Husnes barneskule).

• Tilsetjing skjer etter gjeldande vilkår for kommunale arbeidstakarar i samsvar med HTA og AML
• Pensjonsordning, ulykkes- og gruppelivsforsikring gjennom SPK/KLP
• Kvinnherad kommune er ei IA-verksemd
• Gode arbeidstilhøve i eit godt arbeidsmiljø
• Dekning av flytteutgifter etter nærare reglar

Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.